Ապօրինի եւ ոչ իրավական ճանաչված 160.000 դրամներն արդեն 2-րդ տարին է` վարորդները շարունակում են վճարել. Արամյան

Կարմիր գծերի թեման շարունակում է մնալ բաց եւ մտահոգիչ: Ինչպես արդեն հայտնել էինք, Առաջին ատյանի դատարանն անվավեր է ճանաչել կարմիր գծերի վճարները շեշտակի ավելացնելու քաղաքային իշխանության որոշումը, սակայն վարորդները շարունակում են նույն արժեքով վճարել՝ կայանելու համար: Այս մասին «Իրավունք»-ը զրուցել է Երեւանի ավագանու «Ազգային առաջընթաց» խմբակցության անդամ ՆԱՐԵ ԱՐԱՄՅԱՆԻ հետ:

— Վերջապես ի՞նչ պետք է լինի կարմիր գծերի եւ վարորդների ճակատագիրը:

— Արդեն որերորդ անգամ է կարմիր գծերի հարցն անցնում է դատական ատյաններով: Մի կողմից մասնավորի համար հատկացումներ են անում, եւ այդ կարմիր գծերը աստիճանաբար վերածվում են սպիտակ գծերի, որպես մասնավորի տարածք, իսկ մյուս կողմից, դատարանի որոշմամբ ապօրինի եւ ոչ իրավական ճանաչված 160.000 դրամները արդեն երկրորդ տարին է, ինչ վարորդները վճարում են հենց նույն կարմիր գծերի համար: Նույնը քաղաքային տրանսպորտի մասով: Բերում են, ներկայացնում են թվեր, իբրեւ 80-85 տոկոս վճարումներ կան գրանցված, եւ դա այն դեպքում, երբ բացարձակապես չի համապատասխանում իրականությանը:

— Ինչի՞ց ելնելով եք որոշում, որ այդ տոկոսները իրականությանը չեն համապատասխանում:

— Իմ աչքով եմ տեսել եւ ստուգումներ իրականացրել ու կարող եմ ասել, որ առնվազն տրանսպորտից օգտվողների 60 տոկոսը չի վճարում: Հասկանալի է, որ մյուս՝ վճարող քաղաքացին, վճարում է երկու հոգու համար: Նմանատիպ օրինակները բազմազան են, եւ երբ մենք խոսում ենք այս մասին, նրանք սկսում են խոսել անհասկանալի հին եւ արդեն մահկանացուն կնքած գործիչներից եւ բերում են օրինակներ այն ժամանակահատվածից, երբ մենք համալսարանում ենք, իսկ իրենք՝ մանկապարտեզում: Եվ թե ինչպես են իրենք այդ օրինակները բացատրում եւ հիմնավորում, պարզ է, որ անհասկանալի է: Եվ երբ մարդիկ ասում են, որ 20 տարի առաջ այսպես է եղել, այնպես է եղել, մենք ուղղակի նրանց ասում ենք, որ 20 տարի առաջ մենք չենք ունեցել այնպիսի համակարգ, որը ունենք հիմա: Ընդ որում՝ սա ասում են մարդկանց, ովքեր կապ չեն ունեցել ո՛չ նախկին ու ո՛չ ներկա եւ անգամ ապագա իշխանության հետ:

ՆԱՆԱ ՍԱՐԳՍՅԱՆ

Այս թեմայով Օրվա իշխանության կադրային քաղաքականությունը բացարձակ ապաշնորհ է. Նարե Արամյան Ամո՛թ է, եթե հիմա ինչ-որ մեկը կպնդի, թե՝կոռուպցիա չունենք, առավել եւս՝ համակարգային. Նարե Արամյան Չենք մասնակցել երեւանցիների գրպանը մտնող, զազրելի որեւէ նախագծի եւ արտահերթ նիստի. Արամյան Այսօրվա ապաշնորհ իշխանության նպատակը մեկն է՝ ամեն գնով գումար պոկել ազգաբնակչությունից. Նարե Արամյան Անչափ հուզիչ. ցավալի դեպքից հետո Նարե Գևորգյանը հրապարակում է արել`Մաշ Իսրայելյանի ձեռքը բռնած