Տիկ տոկ հարթակը պետք է վերահսկվի հատուկ կառույցների կողմից, եւ վերացվեն պոռնոգրաֆիա պարունակող էջերը. Մանուկյան

Տեղեկատվական անվտանգության խնդիրը, հատկապես սոցցանցերում, շարունակում է մնալ բոլորովին չլուծված: Ավելին` գնալով սոցհարթակները վերածվում են ցածրորակ մի օնլայն միջավայրի եւ դրան նպաստում են վայ-հայտնիություն ձեռք բերած օգտատերերը:

Մասնավորապես՝ սոցցանցերում առաջատար համարվող «Տիկ Տոկ» հարթակը, որն ի սկզբանե նախատեսված է եղել կարճատեւ երաժշտական համարներ ստեղծելու, տարածելու համար, այժմ ծառայում է բոլորովին այլ նպատակով, ընդ որում՝ միայն Հայաստանում չէ այդպես:

«Իրավունք»-ը բազմիցս անդրադարձել է այսպես կոչված «բաթլ»-ների, որի շնորհիվ օգտատերը կարող է մեկ օրվա մեջ վաստակել առնվազն 200-300 դոլորին համարժեք դրամ: Դա իր հերթին փչացնում է երիտասարդության շրջանում աշխատելու, սովորելու եւ ավելիին ձգտելու նպատակասլացությունը, իսկ ավելի հասուն տարիքի մարդկանց շրջանում, առավել խորացնում է միայնակ մնալու, տարածքում փակվելու եւ կենդանի շփումից խուսափելու բնավորությունը:

Ամեն բան այսքան սարսափելի չէր լինի, եթե չլիներ եւս մեկ ու չափազանց կարեւոր հանգամանք. «Տիկ Տոկ» հարթակը քիչ-քիչ վերածվում է բացահայտ առեւրեւույթ խուլիգանության, ինտիմ հարաբերություններ առաջարկելու, կիսամերկ նկարներ տարածելու տարածքի, որտեղ օգտագործում են ոչ նորմատիվ լեքսիկոն՝ համեմված հայհոյանքներով: Էլ չասենք, որ թմրանյութեր, զենք-զինամթերք վաճառելու հարթակ է նաեւ «Տիկ Տոկ»-ը, որի համար ոչ ոք չի կրում պատասխանատվություն: Անշուշտ, դա միայն Հայաստանում չէ այսպես, սակայն այնպիսի փոքր պետությունը, ինչպիսին Հայաստանն է, որն իրեն կարող է ամեն օր թույլ տալ նման պիղծ եւ կործանարար քայլեր եւ այն էլ` հանրայնորեն, արդեն առնվազն պետք է ահազանգ լինի պատկան մարմինների համար: Այս լրջագույն խնդիրներով մտահոգություն է հայտնել նաեւ հայտնի տիկտոկեր, հումորիստ ԱՐԱՄ ՄԱՆՈՒԿՅԱՆԸ, ում հետ զրուցել է «Իրավունք»-ը:

— Դուք թերեւս առաջին տիկտոկերներից եք, ով ոչ մի պարագայում չի կարողանում աչք փակել այն իրականության առաջ, որը տիրում է այս հարթակի հայկական տիրույթում: Ի՞նչ եք կարծում, ինչպե՞ս պետք է լուծել այս արմատացող խնդիրները:

— Այո, ճիշտ եք ասում, արդեն արմատացող, քանի որ ամեն երկրորդն իրեն թույլ է տալիս «Տիկ Տոկում» հայհոյել, ուրիշի նկարներ տեղադրել՝ վրան հայհոյանք գրելով եւ այլն: Դրա համար ես բոլորովին վերջերս հանդիպեցի Ազգային ժողովի պատգամավորներ Վահագն Ալեքսանյանի եւ Սոնա Ղազարյանի հետ: Հանդիպմանս բուն նպատակը եղել է այն, որ պետք է երեխաններին հանել եւ զրկել «Տիկ Տոկից», վերացնել վատ էջերը, որոնք հայհոյանք են պարունակում իրենց մեջ, պոռնկության բացահայտ առաջարկներ են անում եւ այլն: Երկու տարի է, ինչ ինտենսիվ աշխատում եմ մարդկանց հետ՝ առանձին-առանձին գրելով, որ՝ մի՛ արա նման եթերներ: Նույնիսկ քիչ առաջ մի երեխայի սաստեցի, ընդունեց ասածս: Սակայն, կան նաեւ օգտատերեր, ովքեր չեն հասկանում նորմալ խոսքը, հետեւաբար համակարգում, կարծում եմ, կլինեն մարդիկ, ովքեր կգտնեն այս հարցի լուծումը: Պետք է առանձին վերահսկողություն նշանակվի, եւ նմանների էջերը փակվեն, ու նրանք կրեն պատասխանատվություն: Չեմ ուզում մարդիկ գնան դատվեն, իմ ցանկությունը մեկն է, պետք է վերջապես մարդիկ հասկանան, որ նման բան չի՛ կարելի անել, թե չէ կկանգնեն խնդրի առաջ՝ օրենքի շրջանակներում: Հիմնականում խոսքը վերաբերում է «Տիկ Տոկին», քանի որ «Ինստագրամ»-ում նման բան չկա, իսկ «Ֆեյսբուք»-ում էլ եթե կա, ապա ավելի շատ քաղաքական ենթատեքստով է:

—Իսկ արդյո՞ք «Տիկ Տոկ»-ով գումար վաստակելը չէ հիմնական պատճառը, որ ամեն մեկն իրեն թույլ է տալիս ուղիղ եթեր եւ «բաթլ», որն էլ իր հերթին առաջացնում է նախանձ եւ ատելության խոսք:

— Այո, դա պատճառներից մեկն է՝ նա քիչ աշխատեց, մյուսն ավելի շատ աշխատեց, դա էլ իր հերթին բերում է չարության եւ փոխադարձ հայհոյանքի: Հանդիպման ընթացքում ես նաեւ խնդրեցի, որ Հայաստանում միացվի մանիտիզացիան, որպեսզի մարդիկ «Տիկ Տոկ»-ում, «Յութուբ»-ում նորմալ նկարահանումներ տեղադրեն եւ որակի շնորհիվ կարողանան գումար աշխատել:

— Արամ, Ձեր պատերազմը թուրք բլոգեր Քյամրամի հետ ի՞նչ փուլում է:

— Կարող եմ ասել, որ անդրադարձերս որոշակի առումով տեղ են հասել: Հիմա ավելի զուսպ է, քան առաջ էր, եւ եթե առաջ անդադար ծաղրում էր մեր պատմությունն ու մշակույթը, հիմա ավելի շատ խոսում է իրենց պատմությունից եւ հազվադեպ անդրադառնում մեզ: Ամեն դեպքում, այս հարթակում շատ կան աշխատանքներ՝ թե՛ զտման, թե՛ մաքրման առումով:

ՆԱՆԱ ՍԱՐԳՍՅԱՆ

Այս թեմայով COP-ի ժողովուրդը գիտի՝ ո՞վ եք դուք, Մելքոնյան փողոցի վիճակը տեսեն, կհասկանան, 2 կողմը աղբանոց ա Խուլ գյուղում բաժակ ծախես, հարկայինը կգա, ընդերքը որ թալանվում ա, խաբար չեն. Մանուկյան «Ռուսաստանի հետ հարաբերությունները փչացնում ենք, ասում ենք` 7 հատ ծիրան տանենք ԵՄ, մուրաբա փակենք» Ոչ ոք չէր սպասում․ Tigo-ն ու Rubi-ին տժժում են Արամ Ասատրյանի երգի տակ Ռուբեն Ռուբինյան, էս փոխխոսնակներդ վրիցդ թռնում ե՞ն, չե՞ս կարում վրեքները․ Արամ Քոչարյան