ՊԵԿ․ Հայաստանում ստվերային շրջանառությունն աճել է 146%-ով

2025 թվականի հունվար-ապրիլ ամիսներին Հայաստանում ստվերային շրջանառությունը, նախորդ տարվա նույն ժամանակահատվածի համեմատ, աճել է 84 մլրդ դրամով կամ 146%-ով։ Հայաստանի պետական եկամուտների կոմիտեի նախագահ Էդուարդ Հակոբյանն այսօր ասել է, որ դրա հետևանքով պետությունը թերհավաքագրել է 39 մլրդ դրամ, ինչը 2024 թվականի նույն ժամանակահատվածի համեմատ 80%-ով ավելի է։ 

Նա նշել է, որ մաքսանենգության հայտնաբերված դեպքերի թիվն աճել է 9%-ով։

Ինչպես նկատել է ՊԵԿ ղեկավարը, եթե 2024 թվականի հունվար-ապրիլ ամիսներին ՊԵԿ-ի դեմ կայացվել է 793 դատական ակտ, ապա 2025 թվականի նույն ժամանակահատվածում այդ թիվը նվազել է մինչև 587։ «Ընդ որում, եթե 2024 թվականի առաջին 4 ամիսներին հօգուտ ՊԵԿ-ի կայացվել է 97 դատական ակտ, ապա այժմ՝ 486։ Սա խոսում է այն մասին, որ մենք գերատեսչության ներսում արդյունավետ աշխատանք ենք տանում»,- ընդգծել է Էդուարդ Հակոբյանը։

Այս թեմայով Լեզվակռիվ՝ ՊԵԿ նախագահի հետ․ «Ձեր ազգականները ո՞նց պաշտոնի նշանակվեցին», «Էական չի», «Էական է» «Փաստ». Հայաստանում գործարար համայնքը հայտնվել է չափազանց խոցելի վիճակում Կարող են փոխվել ստվերային կառավարման հարյուրամյա սխեմաները Կարող են փոխվել ստվերային կառավարման հարյուրամյա սխեմաները Այսօր հայազգի բարերար երջանկահիշատակ Կառլեն Եսայանի միակ սիրո 80-ամյակն է