Նստած սպասում եմ, թե երբ գետը կքշի դիակները. ԴՕԿ կուսակցության նախագահ Ա. Խուդավերդյան

«Իրավունք»-ի հետ զրույցում ԴՕԿ կուսակցության նախագահ ԱՆՈՒՅՇ ԽՈՒԴԱՎԵՐԴՅԱՆԸ անդրադառնալով ներքաղաքական վերջին զարգացումներին՝ նշեց, որ իրականում, ով ցանկանում է գալիք ընտրություններում աչքի ընկնել՝ սկսած անհատներից ավարտված կուսակցություններով, սկսում են ակտիվորեն իրենց դերակատարումներն իրագործել, ընդհուպ՝ պատրաստ են մեկը մյուսին հայհոյելով աչքի ընկնել՝ թիվ մեկ ամբիոնից:

— Ժամանակին հայհոյելու համար մեղադրում էիք մեծն մաեստրոյին՝ Վարդան Ղուկասյանին: Պարոնա՛յք, չե՞ք կարծում, որ ձեր գնացքը մեկնել է եւ դուք, պարզապես, քաղաքական դաշտում այլեւս սպառված եք եւ պահանջված չեք: Չե՞ք հասկանում, որ իրար ոջիլ եւ նմանատիպ միջատատեսակներ անվանելուց ավելին չեք ձգում: Չե՞ք գտնում, որ նման կերպ ավելի եք արժեզրկվում: Չե՞ք կարծում, որ ժողովուրդն իսկապես հոգնել է ձեզնից եւ ձեր ստեղծած մոնոպոլիայից, որ միայն դուք պետք է լինեք դաշտում: Ժողովուրդն այլեւս չի ընդունում՝ ո՛չ ներկաններին, ո՛չ ձեզ: Հիմա նոր, մաքուր եւ ռադիկալ ուժ է հարկավոր: Հը՞, պարոնա՛յք, չե՞ք ձանձրացել ձեր միապաղաղ եւ ոչինչ չասող խաղերից, երկիրը ճգնաժամի մեջ պահելուց, մեկդ մյուսի վրա ցեխ շպրտելուց: Դեռ չե՞ք եկել այն համոզման, որ ձեր հեռանալու ժամանակը վաղուց ոչ միայն եկել է, այլ մի բան էլ անցել է : Հետեւաբար, վերցրեք ձեր ոջիլներին եւ գնացե՛ք:

— Տիկին Խուդավերդյան, վերջին շրջանում լուռ եք, ինչո՞վ է պայմանավորված:

— Երբ ինձ հարցնում են, թե ինչու ԴՕԿ կուսակցությունը քաղաքական մեկնաբանությամբ հանդես չի գալիս, ակամայից ցանկանում եմ մեջբերել հետեւյալ ասացվածքը. «Գետի ափին նստած սպասում եմ, թե երբ գետը կքշի դիակները»:

ՆԱՆԱ ՍԱՐԳՍՅԱՆ

Այս թեմայով ՇՏԱՊ. Որպես անհետ կորած որոնվում է 2011թ. ծնված Անի Գևորգյանը Իշխանության հաշիվ փակող «ընդդիմություն»․ Անի Կարապետյան ՔՊ-ն ամենաբարձրն ու ամենաերկարը ծափահարեց ամենաուժեղ «խեղկատակին». Անի Կարապետյան Այս Ազգային ժողովը երկար կյանք չի ունենալու․ Անի Կարապետյան Մոտ ապագայում ընդդիմադիր, կենսունակ կենտրոն կձեւավորվի ԱԺ-ից դուրս․ Կարապետյան