Ես ընդամենը երկու նպատակ ունեմ՝ իշխանափոխություն և իմ ընկերների վերադարձը Բաքվի բանտերից. Սերժ Սարգսյան

«Ես հայտարարել եմ՝ ես և իմ թիմակիցները նպատակ չունենք գալու իշխանության։ Մեր նպատակը իշխանափոխությունն է»,- պատասխանելով հարցին՝ իր և ՀՀ երկրորդ նախագահ Ռոբերտ Քոչարյանի միջև հակասություննե՞րն են ավելի շատ մեծ, թե՞ ցանկությունը հեռացնելու Նիկոլ Փաշինյանին, ինչո՞ւ այդ հարցի շուրջ ընդհանուր համաձայնություն ձեռք չի բերվում, ասաց ՀՀ երրորդ նախագահ Սերժ Սարգայանը։ 

Նա շարունակեց. «Եթե անձնապես եք ուզում՝ ես երկու կարևոր նպատակ եմ տեսնում ինձ համար՝ իշխանափոխություն և իմ ընկերների վերադարձը Բաքվի բանտերից։ Ես ուրիշ ոչ մի բան չեմ ուզում։ Ով ինչ ուզում է, թող ամբողջովին վերցնի»։

Ինչ վերաբերում է իմպիչմենտի գործընթացին ու որպես վարչապետի թեկնածու ներկայացված Էդմոն Մարուքյանին՝ Ս. Սարգսյանն ասաց. «Մենք չենք կարող քվեարկել մի մարդու օգտին, սատարել նույնիսկ փողոցով, ով այսօրվա Հայաստանի կառավարիչներից մեկն է եղել, նրանց հետ է աշխատել, այս ամբողջ ողբերգությունների մասնակից է եղել։ 

Մենք ասում ենք՝ տեսել ենք քո գործելաոճը»։ 

Հարցին, իսկ եթե թեկնածուն լինի Ռոբերտ Քոչարյանի թիմի՞ց լինի կամ հենց Ռոբերտ Քոչարյանը, Ս. Սարգսյանը պատասխանեց. «Մենք ասել ենք՝ այո։ Այո։ Ով ուզում է գա»։ 

Սերժ Սարգսյանը նաև ընդգծեց, որ որևէ դրսի ուժ առանց ներսի որևէ բան անել չի կարող։

«Այո, դրսի ուժերի օժանդակությունը շատ կարևոր է, բայց այսօր չեմ տեսնում այդ օժանադկությունը այն չափով, որ բավարար լինի։ Բայց վստահ եմ, եթե մենք մեր ուժերի ամբողջ լարվածությամբ մտնենք պայքարի մեջ, միաժամանակ կգտնվեն նաև տարբեր աշխարհամասերում, տարբեր տեղերում ուժեր, մարդիկ, ովքեր կսատարեն այդ շարժումը»,- ասաց ՀՀ երրորդ նախագահը։ 

Այս թեմայով Հազար նոր ավտոբուս էլ բերենք, պիկ ժամերին հնարավոր է քչություն անի. Աշոտ Սարգսյան ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Արդարադատությունը քնում է, բայց չի մահանում․ ԸՆԿԵՐ ՓԱՆՋՈՒՆԻ 20 մլրդ դրամ Հայկ Սարգսյանի պատճառով չի մտնի պետբյուջե. Oragir.News