Տարածաշրջանային անվտանգությունը պետք է մշակվի տարածաշրջանի երկրների կողմից. Իրանի ՊՆ ղեկավար

Իրանի և Հայաստանի միջև ընդհանուր սահմանը երկու ժողովուրդների հաղորդակցության պատմական ճանապարհն է, և Թեհրանը թույլ չի տա որևէ ոտնձգություն այդ սահմանի նկատմամբ։

«Իրանի սկզբունքային քաղաքականությունը բոլոր հարևանների, հատկապես՝ Հայաստանի հետ հարաբերությունների ամրապնդումն է, և ոչ մի խոչընդոտ չի կարող խանգարել այդ ճանապարհին»։

Նասիրզադեն, անդրադառնալով Ադրբեջանի և Հայաստանի միջև խաղաղության բանակցություններին, ընդգծել է, որ Իրանն աջակցում է խաղաղության պայմանագրի ստորագրմանը և պատրաստ է արագացնել այդ գործընթացը:

Նա հավելել է. «Կովկասում տևական խաղաղությունը հսկայական հնարավորություններ կստեղծի տարածաշրջանային զարգացման համար»:

Անդրադառնալով վարչապետ Փաշինյանի և իրանական ղեկավարության վերջին հանդիպումներին՝ պաշտպանության նախարարը հայտարարել Է. «Իրանը հատուկ նշանակություն է տալիս Հայաստանի հետ հարաբերությունների զարգացմանը, համագործակցությունը շարունակվելու է փոխադարձ շահերի հիման վրա և անկախ օտար տերությունների ճնշումներից»:

Իր ելույթի մեկ այլ հատվածում Ամիր Նասիրզադեն խոսել է Կովկասում արտատարածաշրջանային տերությունների ներկայությունից. «Տարածաշրջանային անվտանգությունը պետք է մշակվի տարածաշրջանի երկրների կողմից, քանի որ արտաքին միջամտությունը միայն կուժեղացնի անկայունությունը»։

Այս թեմայով Իրանի պաշտպանության և զինված ուժերի աջակցման նախարարն անվանական եղեւնի է տնկել ՊՆ֊ում Պապիկյանը հանդիպել է Իրանի պաշտպանության և զինված ուժերի աջակցման նախարարի հետ Սուրեն Պապիկյանի հրավերով Հայաստան է ժամանել Իրանի պաշտպանության և զինված ուժերի աջակցման նախարարը Մենք կշարունակենք աջակցել Զելենսկուն․ Եվրահանձնաժողովի ղեկավար Տեսախցիկը ֆիքսել է «Լանցետ» անօդաչուի կողմից ուկրաինական տանկի ոչնչացումը (Տեսանյութ)