Հակակոռուպցիոն բաժնի աշխատակիցները քիչ-քիչ մոտենում են նիստերի դահլիճին. Մանուկ Սուքիասյան

Ձերբակալվել են Երեւանի քաղաքապետարանի աշխատակիցներ՝ կաշառք ստանալու համար։ Ձերբակալությունը եղել է երեկ առավոտյան՝ այն ժամանակ, երբ ընթացել է Երեւանի ավագանու հերթական նիստը: «Իրավունք»-ն այս մասին զրուցեց Երեւանի ավագանու «Մայր Հայաստան» խմբակցություն ղեկավար ՄԱՆՈՒԿ ՍՈՒՔԻԱՍՅԱՆԻ հետ:

— Ի՞նչ մեկնաբանություն կտաք մայիսի 20-ին կատարված ձերբակալությունների վերաբերյալ, եւ արդյո՞ք այս ձերբակալությունների շարքը չի խոսում այն մասին, որ կոռուպցիան նվազելու փոխարեն՝ մեծ աճ է գրանցել վերջին տարիներին:

— Իհարկե, մեկ բան ակնհայտ է` որտեղ կոռուպցիան է շատ, այնտեղ ձերբակալություններն են շատ: Այս տեմպերով, որ շարունակվի, քրեակատարողական ծառայությունը ստիպված կլինի մի առանձին բանտ բացել՝ միայն Երեւանի քաղաքապետարանի եւ թաղապետարանների ձերբակալված աշխատակիցներին պահելու համար: Կոռուպցիայի մետաստազները թափառում են քաղաքային իշխանության մեջ: Այնպես որ, օրինաչափ երեւույթ է, կզարմանանք, որ որոշակի պարբերականությամբ ձերբակալություններ չլինեն:

— Դուք ամբիոնից ասացիք, որ եթե այսպես շարունակվի, ապա հակակոռուպցիոնի աշխատակիցները քիչ-քիչ կմտնեն նիստերի դահլիճ: Ի՞նչ եւ ո՞ւմ նկատի ունեիք:

— Տեսեք՝ ինչ ստացվեց, թաղապետարաններում եղան ձերբակալություններ, վերջերս էլ եղան քաղաքապետարանի Բուզանդի մասնաշենքում ձերբակալություններ: Արդեն մուտք են գործում Երեւանի քաղաքապետարանի հիմնական մասնաշենք: Այսինքն՝ աստիճանաբար հակակոռուպցիոնի աշխատակիցները կմոտենան նիստերի դահլիճին, որտեղ նստած են կոռուպցիայի վրա իրենց փեշերը փռած տարբեր չինովնիկներ, եւ որքան մոտենա նախընտրական ընտրարշավը, այնքան աղմկոտ ձերբակալություններ են հնարավոր:

ՆԱՆԱ ՍԱՐԳՍՅԱՆ

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ո՞ւր են կարգալույծ սրբապիղծին հսկող ոստիկաններն ու մյուս ապստամբողները․ Տեր Մանուկ Թուրքիայում վերականգնվում է Քառասուն մանուկ հայկական եկեղեցին FPWC-ն սատարում է կենդանաբանական այգու գործողությունները․ առյուծի անկման պատճառը բուն տեղափոխման գործընթացը չէ Նախապատվելի կլիներ, որ ընտրություններից առաջ լիներ ավելի ընդգրկուն եւ լայն համախմբում. Մանուկ Սուքիասյան