Դա նշանակում է հարվածել գոտկատեղից ներքեւ. Հայտնի փաստաբանը հայտարարությամբ է հանդես եկել

Սոցիալական ցանցերի զարգացմանը զուգահեռ հազարապատկվել է նաև ինֆորմացիոն հոսքը։ Եթե առաջ ինֆորմացիայի հիմնական միջոցը  թերթերն էին, որոնց պատասխանատուներն ունեին պոզիտիվ պարտավորություն՝ հետևելու հրապաւրակված նյութերի բառամթերքին, հոդվածների արժանահավատությանը, այժմ հարյուրների հասնող սոցիակական ցանցերում իրար հերթ չտալով, տոտալ ձևով ատելության քարոզ ու անձի բնական իրավունքի նորմ հանդիսացող արժանապատվությունն են ոտնահարում։ Եթե ինչ որ տեղ հասկանալի, բայց և անընդունելի է, երբ  անձի արժանապատվությանը կպնում են, սակայն ներկայացնում են կոնկրետ ապացույցներ, որ տվյալ անձը կատարել է այս կամ այն արարքը, անընդունելի է, երբ մարդուն մեղադրում են առանձնապես ծանր հանցագործության մեջ՝
 առանց հիմնավոր ապացույց  ներկայացնելու։
Դա նշանակում է հարվածել գոտկատեղից ցածր՝ բխող բոլոր բացասական, հաճախ էլ կործանարար հետևանքներով։
Գայանե Մանուկյանը, ով լրագրող է, բնակվում է ԱՄՆ-ում, վերջին շրջանում իրեն և մայրիկին՝ Գոհար Խարատրյանին, մեղադրեցին քրեական օրենքով հանցագործութուններ կատարելու, այդ թվում՝ իբր կավատությամբ զբաղվելու, Հայաստանում քրեական հետապնդման ենթարկվելու, դատվելու, Հայաստանից փախչելու, հետախուզման մեջ գտնվելու մեջ։
Համացանցը հազարավոր դիտումներ արձանագրեց, հազարավոր մեկնաբանություններ ու հայհոյանքների տարափ տեղացին  Գայանեի և տիկին Գոհարի հասցեին։
Պարզվում է, որ այդ մեղադրանքներն իրականության հետ աղերս չունեն և արատավորել են լրագրողի և նրա մոր պատիվն ու արժանապատվությունը։
Ի պատասխան փաստաբանական պաշտոնական հարցման՝ պետական պատկան լիազոր մարմնից ստացվել է պաշտոնայան պատասխան, որ Գոհար Սարգսի Խաչատրյանի, Գայանե Հովիկի Մանուկյանի տվյալներով անձի դատվածության և հետախուզման մեջ գտնվելու վերաբերյալ տեղեկություններ չկան։
Ժողովրդի լեզվով ասած՝ Գայանեն և տիկին Գոհարը դատված չեն, կավատության կամ այլ հանցագործոթյան մեջ  չեն մեղադրվել, նրանց նկատմամբ հետախուզում հայտարարված չի եղել։
Հ.Գ. Շնորհակալությունս եմ հայտնում ՀՀ Ներքին գործերի նախարարությանը՝ ողջամիտ ժամկետում ներկայացված հարցը  համալիր ուսումնասիրելու և սպառիչ պատասխան տալու համար։

Փաստաբան՝ Լևոն Բաղդասարյան

Այս թեմայով «Կուռաժիտ» լինող քաղաքապետը. ԶԱՐՄԱՆՔ Ավարտվել է Վաղարշապատի նախկին համայնքապետ Դիանա Գասպարյանի և նրա հետ փոխկապակցված ևս 4 անձանց վերաբերյալ նախաքննությունը Սպասվում է առանց տեղումների եղանակ Գնացեք կառույցներ ստեղծեք ու պայքարեք Նիկոլի դեմ,ոչ թե կախվեք պաշտոնաթող նախագահներից Քիչ առաջ ArmLur.am-ին հայտնի դարձավ, որ ձերբակալել են ՊԵԿ նախագահի նախկին տեղակալ Վախթանգ Միրումյանին