Քննարկվել է Կատարում աշխատող ՀՀ քաղաքացիների աշխատանքային գործունեությանը վերաբերող համաձայնագիրը

Աշխատանքի և սոցիալական հարցերի մշտական հանձնաժողովի նիստում քննարկվել է «Հայաստանի Հանրապետության կառավարության և Կատարի Պետության կառավարության միջև Կատարի Պետության տարածքում Հայաստանի Հանրապետության քաղաքացիների աշխատանքային գործունեության կանոնակարգման մասին» համաձայնագիրը վավերացնելու հարցը: Օրենքի նախագիծը քննարկման է ներկայացրել ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը:

Համաձայնագրի վավերացման նպատակն է երկու երկրների միջև արդյունավետ համագործակցությունը դարձնել շարունակական և ամրապնդել բարեկամական հարաբերությունները: Համաձայնագրով կարգավորվում է Հայաստանի Հանրապետության քաղաքացիների՝ դեպի Կատարի Պետության մուտքի և այնտեղ աշխատանքային գործունեության իրականացումը՝ համաձայն երկու պետություններում գործող օրենքների, կանոնակարգերի և ընթացակարգերի:

ՀՀ քաղաքացիներին ներկայացվող աշխատանքային առաջարկը նախօրոք պետք է հաստատված լինի տվյալ երկրի լիազոր մարմնի կողմից: Պայմանագրի և առաջարկի տարբերություն բովանդակային տեսանկյունից չպետք է լինի՝ երաշխիքի, աշխատավարձի չափի, աշխատանքի բնույթի մասով:

Հարցուպատասխանի ձևաչափում անդրադարձ է եղել Կատարի Պետությունում աշխատող քաղաքացիների վիճակագրությանը, այնտեղ աշխատող ՀՀ քաղաքացիների իրավունքների ապահովմանը, Կատարից Հայաստան աշխատանքային միգրացիայի հնարավորությանը և այլն:

Հանձնաժողովի նախագահ Հերիքնազ Տիգրանյանի խոսքով ՀՀ քաղաքացի աշխատողների համար տվյալ երկրում ոչ թե ազգային ռեժիմ է սահմանվում, այլ՝ այն ընթացակարգերը, թե ինչպես կարող է ՀՀ քաղաքացին՝ որպես օտարերկրացի, աշխատելու նպատակով մուտք գործել տվյալ երկիր: Համաձայնագրին կից ներկայացված է նաև տիպային պայմանագրի նմուշը, որտեղ երկիր մուտք գործելուց մինչև աշխատանքից արձակման պահն ամրագրված են նրա ֆինանսական երաշխիքները:

Օրինագիծն արժանացել է հանձնաժողովի դրական եզրակացությանը:

Այս թեմայով Օդեսայի ափերի մոտ խոցվել է ուկրաինական բանակի համար աշխատող հերթական նավը (Տեսանյութ) Դժվար է ակնկալել, որ ԵՄ-ն հայկական արտադրանքի համար բացառիկ պայմաններ կստեղծի. Տնտեսագետ Ձեր իշխանությունը պրոֆեսորին կարող է տանել բանտ քաղաքական որոշմամբ, բազմաթիվ հիվանդներին թողնելով առանց բժշկական օգնության. Նախկին պատգամավորի պատասխանը ՔՊ-ական նախարարին Ռուսական բանակը օգտագործում է արհեստական ​​բանականությամբ աշխատող անօդաչուներ. Բուդանով ՍԱՐՍԱՓ.Կիբեռհանցագործների թիրախում են հայտնվել թոշակառուները