«ՋԱՆՔ ՉԵՄ ԽՆԱՅԻ, ՈՐ ԱՇԽԱՐՀԻ ԱՌԱՋՆՈՒԹՅԱՆԸ ԱՄԵՆ ԻՆՉ ԼԱՎ ՍՏԱՑՎԻ». ԱՆՎԱՆԻ ԾԱՆՐՈՐԴ, ԵՎՐՈՊԱՅԻ ԿՐԿՆԱԿԻ ՉԵՄՊԻՈՆ, ԱՇԽԱՐՀԻ ԲՐՈՆԶԵ ՄԵԴԱԼԱԿԻՐ ԳՈՌ ՍԱՀԱԿՅԱՆ

Վերջերս Մոլդովայի մայրաքաղաք Քիշնևում կայացած Ծանրամարտի մեծահասակների Եվրոպայի առաջնությունում անվանի ծանրորդ, Եվրոպայի կրկնակի չեմպիոն, Աշխարհի բրոնզե մեդալակիր, ծնունդով Վեդիից ԳՈՌ ՍԱՀԱԿՅԱՆԸ նվաճեց փոխչեմպիոնի տիտղոսը։ Նա 73 կգ քաշայինների պայքարում պոկում վարժության ժամանակ բարձրացրեց 153 կգ դառնալով փոքր բրոնզե մեդալակիր։ Հրում վարժությունում Սահակյանը բարձրացրեց 185 կգ նվաճելով ևս փոքր բրոնզե մեդալ։ Իսկ ահա երկամարտի 338 կգ արդյունքով Գոռ Սահակյանը դարձավ Եվրոպայի առաջնության արծաթե մեդալակիր։

Iravunk. com - ի մարզական թղթակցի հետ զրույցում այսպես մեկնաբանեց իր նվաճումը արծաթե մեդալակիր ԳՈՌ ՍԱՀԱԿՅԱՆԸ.

- Շնորհակալ եմ Աստծուն, որ Եվրոպայի առաջնությունում կարողացա այս արդյունքը գրանցել փոխչեմպիոն դառնալ։ Մեկ տարի է ինչ այս քաշային կարգում եմ հանդես գալիս։ 73 կգ-ն Օլիմպիական քաշ է, սակայն մեկ ամսից նորից փոխվելու է ու դառնա 71 կգ։ ԵԱ֊ում արել էի ամեն ինչ, որպեսզի լավ մասնակցեի։ Ինչ - որ չափով ստացվեց, բայց արծաթե մեդալը լիարժեք այն արդյունքը չէ, որին սպասում էի։ Գնացել էի չեմպիոնության հետևից։ Ամեն ինչ դեռ առջևում է, սպորտ է։ Ունեմ արծաթե մեդալ, հետագայում ավելի լավ կլինի։ Անկեղծ ասած, այդքան էլ գոհ չեմ արծաթե մեդալից, որովհետև, ինչպես ասացի, մեկնել էի ոսկե մեդալ նվաճելու համար։ Վերջին մոտեցումներս չստացվեցին։  Կաշխատեմ ուղղել սխալներս, որպեսզի հետագա մրցաշարերում ավելի լավ հանդես գամ։ Նշեմ, որ անձնական մարզիչս ՄՀԵՐ ՊՈՂՈՍՅԱՆՆ է, մարդ, ում դերն անգնահատելի է իմ մարզական հաջողություններում։ Իմ բոլոր հաղթանակները նաև նրանն են, նրա ներդրած ջանքերի արդյունքն են։ 13 տարի անընդմեջ պրոֆեսիոնալի հետ մարզումները սովորեցրել, կոփել են ինձ։ Իմ ուժերի հանդեպ մարզչիս հավատն ինձ ոգեկոչել է, վստահություն է ներշնչել։ Մրցահարթակում իմ թիկունքին միշտ զգում եմ անհանգստությունը, նրա ապրումները, հավատը ու գիտեմ, որ իրավունք չունեմ հիասթափեցնելու։ Ես իմ հաջողությունների, հաղթանակների համար ծանրամարտին ու նաև իմ մարզչին եմ պարտական։ Հաջորդ մրցաշարը Աշխարհի առաջնությունը կլինի, ջանք չեմ խնայի, լավ կպարապեմ, հուսով եմ լավ կստացվի ամեն ինչ։

- Շնորհակալություն, Գոռ, մեզ ժամանակ տրամադրելու համար։

- Զգացված եմ ուշադրության համար, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։