Կայացավ «Կույսի համաստեղություն» հետահայաց ցուցահանդեսը

Մայիսի 17-ին և 18-ին Հայ և ռուս ժողովուրդների բարեկամության թանգարանը ևս միացել էր «Թանգարանների գիշեր» և «Թանգարանների միջազգային օր» միջազգային նախաձեռնություններին, որոնք այս տարի անցկացվել են «Թանգարանների ապագան արագ փոփոխվող համայնքներում» խորագրի ներքո։

Երկօրյա ծրագրի ընթացքում թանգարանի այցելուները հնարավորություն ունեցան դիտելու ինչպես հիմնական ցուցադրությունն, այնպես էլ՝ «Կույսի համաստեղություն» հետահայաց ցուցահանդեսը, որը նվիրված է ՀՀ արվեստի վաստակավոր գործիչ Սամվել Սևադայի 75-ամյակին և Աբովյանում նրա ստեղծագործական գործունեության 50-ամյակին։

«Այս ցուցադրությունն անչափ կարևոր է մեր՝ արվեստասեր հասարակության համար, հաճելի և պարտավորեցնող է իրականացնել այս ցուցադրությունը։ Մեզ համար անչափ մեծ է նաև պարոն Սևադայի դերն ու նշանակությունն այս թանգարանում, նրա կապը թանգարանի հետ։ Սամվել Սևադան եղել է այս թանգարանի առաջին տնօրենը։ Կարծում  ենք՝ այս ցուցահանդեսը ևս կնպաստի մարզային մշակութային կյանքի զարգացմանը»,- բացման խոսքում նշեց Հայ և ռ­­­­ուս ժողովուրդների բարեկամության թանգարանի տնօրեն Ռուզաննա Բադալյանը։

Միջոցառմանը ներկա էին սիրված ու ճանաչված մտավորականներ, դերասաններ, քաղաքական գործիչներ, Սամվել Սևադայի արվեստը գնահատող մարդիկ։

Սամվել Սևադան, իրեն բնորոշ համեստությամբ շնորհակալություն հայտնեց ներկաններին՝ հիշեցնելով, որ նմանօրինակ հանդիպումների նպատակը ոչ միայն աշխատանքները ցուցադրելն է, այլ նաև՝ իրար  տեսնելը, տաքուկ, ջերմ և ընկերական միջավայր ապահովելը։ Անվանի արվեստագետն օրվա կապակցությամբ թանգարանին նվիրեց իր ստեղծագործություններից մեկ կտավ։

Ցուցահանդեսի ավարտին Սամվել Սևադայի և սիրված գեղանկարիչ-երգահան Մարտին Ահարոնյանի կողմից կենդանի կատարմամբ հնչեց «Հեթանոս գիշեր» երգը՝ կիթառի նվագակցությամբ։ Ի դեպ, այս երգն արդեն սիրվել է շատերի կողմից, սակայն քչերին է հայտնի, որ այս երգի բառերի հեղինակը կրկին Սամվել Սևադան է։

Այս գունեղ ցուցահանդեսը հասանելի կլինի արվեստասերներին մինչ հունիսի 1-ը։

Այս թեմայով TRIPP-ի կյանքի կոչվելը որեւէ կերպ չի կարող սպառնալ Իրանի անվտանգությանը. Իրանահայ խմբագիրը մանրամասներ է ներկայացնում Սեդրակիչը ֆիասկո է ապրում այս օրերին «Փաստ». Ո՞րն է ԵՄ-ի «բարեկամության» գինը Եթե այս իշխանությունը վերընտրվի, եկեղեցու ջախջախումն իրականություն կդառնա. Արմեն Բադալյան Սեպագիր արձանագրությունը՝ քաղաքի անձնագիր