Ժողովուրդը պետք է որոշի, թե ով պետք է պաշտպանի իր շահերը. Քաղաքագետ Ժիրայր Ազիզյան

Հայտնի է, որ Արցախի նախագահի պաշտոնավարման ժամկետը լրանում է մայիսի 21-ին, և որպեսզի այս ինստիտուտի լիազորությունները չավարտվեն, և Արցախի էջը հիմնովին չփակվի, Արցախի խորհրդարանում պետք է նախագահ ընտրեն՝ շաբաթներ առաջ իրականացրած սահմանադրական փոփոխությունների հիման վրա, որով թույլատրեցին, որ ընտրությունների անհնարինության դեպքում խորհրդարանն ընտրի նախագահին: Ի՞նչ կտա, ըստ էության, այս պահին թշնամու տիրապետության տակ գտնվող երկրի նախագահի ընտրությունը արցախահայերին եւ առհասարակ փորձել ենք հետաքրքրվել արցախցի քաղաքագետ Ժիրայր Ազիզյանից, ով նկատեց.

- Դեռևս երբ Արցախում պետք է ԱԺ կողմից փոփոխության ենթարկվեր Հանրապետության մայր օրենքն ու անհաղթահարելի իրավիճակների պայմաններում նախագահի ընտրությունը տրվեր խորհրդարանին` ես նշել էի, որ դա ներկայացուցչական ժողովրդավարության և սահմանադրական կարգի կոպտագույն խախտում է, որի իրականացման պայմաններում պոտենցիալ հարվածի տակ է դրվում նաև օրենսդիր և դատական իշխանությունների լեգիտիմությունը։ Այնուամենայնիվ մենք ունեցանք քաղաքական առումով ոչ լեգիտիմ և իրավական առումով ոչ լեգալ նախագահ, որի լիազորությունները մեղմ ասած խիստ սահմանափակվել են այլ սուվերեն երկրի տարածքում։ Եթե հիմա խնդիր է դրված խորհրդարանի կողմից ընտրված նախագահի պաշտոնավարման ժամկետը լրանալուց հետո պահպանել այդ ինստիտուտն ու նոր նախագահ ընտրել, ապա կարծում եմ հենց ժողովուրդը պետք է որոշի թե ով կշարունակի զբաղվել իր շահերի պաշտպանությամբ։ Կարելի է օնլայն ընտրությունների միջոցով դա իրականացնել համապատասխան անձնագրային վերիֆիկացման եղանակով, միջազգային ընտրական պրակտիկայում կիրառվող տարբերակներ շատ կան։ Պետք է նաև մի դիտարկում էլ անեմ, կապված Արցախի Հանրապետության ԱԺ-ի լիազորությունների ժամկետի հետ կապված, ըստ ժողովրդի կողմից ընտրված Սահմանադրության դրանք ավարտվում են հենց նախագահի լիազորությունների հետ միաժամանակ և իշխանության երկու թևերի ընտրությունները անցկացվում են համաժամանակյա, ուստի նախ պետք է հասկանանք, թե Ազգային Ժողովի ընտրությունները ինչպես են իրականացվելու, հուսով եմ ինչ որ մեկի մտքով չի անցնում, որ պատգամավորներին էլ կարելի է նշանակել նախագահի կողմից, կամ, որ գործող խորհրդարանը պետք է հավերժ պահպանվի։

Այս թեմայով ՎԻԴԵՈ. Գազայի ժողովրդի արյունը` Ամստերդամի պատերին. ցեղասպանության դեմ Որքանով է իրավաչափ Արցախի նախագահի ընտրությունները ՀՀ-ում. Փաստաբանը մանրամասնում է Վոլոդինան անվանվել է հաջորդ երկու տասնամյակների ամենահաջողակ կենդանակերպի նշանը «Ցարգրադ». Ադրբեջանի գործողությունները, որոնք ուղղված են Ռուսաստանի դեմ, համակարգվում են Լոնդոնի կողմից, եւ Ալիևը դեմ չէ դրան Նոր Օռլեանում 10 կալանավորներ փախել են բանտից իրենց խցի զուգարանի հետևում գտնվող անցքի միջոցով (Տեսանյութ)