Մարզպետը չի բացառում Արագածավանի դպրոցի տնօրենի պաշտոնանկությունը

 Արագածոտնի մարզի Արագածավան համայնքի թիվ 1 դպրոցում երկու ուսուցչուհու միջև տեղի ունեցած միջադեպի հիման վրա քրեական գործի հարուցումը մերժվել է: Թեեւ դպրոցի տնօրեն Ասպրամ Խաչատրյանը հայտարարել էր, որ տեղեկությունները սուտ են, ու անգամ սպառնացել է լրագրողին, բայց պարզվում է` Արագածոտնի մարզպետ Գաբրիել Գյոզալյանն այլ կարծիք ունի տեղի ունեցածի մասին: «Իրավունք»-ն այսօր պրն Գյոզալյանից մեկնաբանություն խնդրեց տեղի ունեցածի մասին: Վերջինս նախ ասաց, որ դասընթացի է մասնակցում,  չի կարող խոսել, բայց երբ հարցը լսեց, ասաց. «Այցելել եմ դպրոց, խոսել երեքի` դպրոցի տնօրենի, երկու ուսուցչուհիների հետ: Ուսուցչուհիներն ասել էին, որ դեպքը պատահականություն է, բայց պատահականություն չէր: Սրանից հետո պետք է բացառվի նման երեւույթ»:

Սկզբնաղբյուր լրատվամիջոցը գրել էր, որ դպրոցներում, որպես անհատ ձեւավորելու դարբնոցներ, պետք է բացառվեն նման երեւույթներն ու չկոծկվեն: Բայց հաշվի առնելով, որ դպրոցի տնօրենը, ըստ հրապարակման,  փորձում է  տեղի ունեցածը քողարկել, հնարավո՞ր է նրա պաշտոնանկության հարցն առաջանա: «Իհարկե»,- ասաց Գյոզալյանը:

Հստակեցրինք` հետամուտ կլինի՞ Արագածոտնի մարզպետը տնօրենի պաաշտոնանկության համար, մարզպետը դրական պատասխանեց` այո:

ՍՈՆԱ ԴԱՎԹՅԱՆ

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն Գագիկ Խաչատրյանի փաստաբանները պարզաբանում են ներկայացրել 193 գույքի և պարտատոմսերի վերաբերյալ Նիկոլ Փաշինյանն անդրադարձել է դպրոցները փակելու մասին խոսույթին և կլաստերային դպրոցների անհրաժեշտությանը