Անատոլի Չուբայսն ազատվել է Ռուսաստանում իր անշարժ գույքից

«Роснано» բաժնետիրական ընկերության ներկայացուցիչը Մոսկվայի արբիտրաժային դատարանում հայտարարել է, որ 2022 թվականի հոկտեմբերից մինչև 2023 թվականի մարտը Անատոլի Չուբայսի Ռուսաստանում երբևէ ունեցած բոլոր անշարժ գույքը իր կողմից օտարվել է, հաղորդում է РИА Новости-ն։

«Ընդհանուր առմամբ, բոլոր այն օբյեկտները, որոնք Չուբայսը երբևէ ունեցել է իր ամբողջ կյանքի ընթացքում, իսկ դա 32 անշարժ գույքի օբյեկտ է, օտարվել են կարճ ժամանակահատվածում՝ 2022 թվականի հոկտեմբերից մինչև 2023 թվականի մարտը», -նշել է փաստաբանը։

Հիշեցնենք, որ Չուբայսը լքել է Ռուսաստանը 2023 թվականին։

2023 թվականի մարտին Չուբայսը կնոջ՝ Ավդոտյա Սմիռնովայի հետ նկատվել է Ստամբուլի բանկոմատ ի մոտ, իսկ մայիսին՝ Իսրայելի Ներքին գործերի նախարարությունում։ Պնդում էին, որ Չուբայսը Իսրայելի քաղաքացիություն է ստացել, սակայն նա հետագայում հերքել է դա։ Սեպտեմբերին Չուբայսին նկատել են Ռիգայում։

Ռուսաստանից հեռանալուց հետո Չուբայսը սկսել է ներկայանալ որպես բրիտանացի գիտնական։ Նա  «Вопросы экономики» հանդեսում «Չվճարումները 1990-ականների Ռուսաստանի տնտեսությունում. անկանխատեսելի ինստիտուտ» վերնագրով հոդված է հրապարակել։ Հեղինակի մասին տեղեկության բաժնում Չուբայսը նկարագրվում է որպես «անկախ հետազոտող Գլազգոյից, Մեծ Բրիտանիա»։

Այս թեմայով Ինչ պահանջով են առաջիկայում ակցիա իրականացնելու արցախահայերը. Փաստաբանը փակագծեր է բացում Անատոլի Կաշպիրովսկին մահացել է 87 տարեկան հասակում Ռուսաստանում Հայաստանի դեսպանությունը ժամանակավորապես կդադարեցնի անձնագրերի տրամադրման ծառայությունը 8000 արցախցի ստացել է բնակարանի սերտիֆիկատ, բայց իրացվել է միայն 4000-ը. Գեղամ Ստեփանյան Հարավային Օսիայի նախագահական ընտրություններում հաղթեց Ռուսաստանում աշխատած Կրեմլի թեկնածուն