Եռատոնը նշում ենք մրմուռը մեր սրտում. Նիկոլ Փաշինյանը պատմության մեջ մնալու է որպես կապիտուլյանտ. Էդուարդ Շարմազանով
Ներքաղաքական
ՀՀԿ ԳՄ անդամ, ԱԺ նախկին փոխնախագահ Էդուարդ Շարմազանովը զարմանում է, որ ՔՊ-ականները գնում են «Հաղթանակ» զբոսայգի։
«Նրանք արեցին այնպես, որ այսօր եռատոնը նշում ենք մրմուռը մեր սրտում, որովհետև եռատոնի գլխավոր խորհրդանիշներից էին Արցախի բանակի ստեղծումն ու Շուշիի ազատագրումը, իսկ Նիկոլ Փաշինյանը Պրահայում Արցախը ճանաչեց Ադրբեջանի կազմում։ Ես ասել եմ՝ ինքը պատմության մեջ մնալու է որպես կապիտուլյանտ»,- լրագրողների հետ զրույցում հայտարարեց Շարմազանովը։
Նա նշեց, որ պետք է հավատարիմ մնալ եռատոնի գաղափարին, ազգային բոլոր ուժերով ճիշտ ծրագիր իրագործեն ու իրականացնեն քայլեր, որոնք պահանջում է հայրենիքի շահը։
Ըստ ՀՀԿ ԳՄ անդամի՝ Նիկոլ Փաշինյանը գնացել է Մոսկվա, որովհետև լավ չի կողմնորոշվում, թե ինչպես կավարտվի ուկրաինական ճգնաժամը։
«Հենց հասկանա, որ ճգնաժամն ավարտվելու է Ռուսաստանի հաղթանակով, էլի ականատես կլինենք «սպասիբը Լադիմիր Լադիմիրիչ»-ի շարքին, իսկ Աստված չանի, եթե Ռուսաստանը անհաջողության մատնվի, որի հեռանկարը գրեթե զրոյական է, այն ժամանակ էլի կխոսի հակառուսականությունից, բայց Նիկոլ Փաշինյանը, դասական առումով, թուրքամետ գործիչ է, սպասարկում է Թուրքիայի շահերը ու Հայաստանը դարձրել է թուրքական շահերի սպասարկման վայր»,- ընդգծեց ԱԺ նախկին փոխնախագահը։
1
10101 դիտում
2
8071 դիտում
3
2258 դիտում
4
2235 դիտում
5
2115 դիտում
