Ադրբեջանի ագրեսիվ քաղաքականությունը շարունակում է ռիսկեր եւ սպառնալիքներ առաջացնել. Իգիթյան

«Հայկական նախագծի» համահիմնադիր, կովկասագետ ԿԱՐԵՆ ԻԳԻԹՅԱՆԻ գնահատմամբ՝ հայ գերիները, հատկապես 2020 թվականից հետո, դարձել են բանակցությունների եւ առեւտրի առարկա։

Սա հատկապես ակնհայտ է այն բանից հետո, երբ Ադրբեջանը, ի տարբերություն իր նախորդ խոստումների, չի կատարում իր պարտավորությունները եւ չի վերադարձնում բոլոր հայ գերիներին։ Նոյեմբերի 10-ի զինադադարից հետո, երբ համաձայնեցում էր ձեռք բերվել, Ադրբեջանը մի կողմից հայտարարեց, որ այլեւս չի պատրաստվում վերադարձնել բոլոր այն հայ գերիներին, որոնք գտնվում են նրանց ձեռքում։ Ընդհանրապես սկսեց տարածվել այն մոտեցումը, որ գերիները դարձել են առեւտրի տարր՝ փոխարինելով նրանց այլ քաղաքական կամ ռազմավարական գործարքների համար։ Սա փաստորեն դարձրեց նրանց պատանդներ, իսկ այնպիսի պրակտիկան, որտեղ գերիների վերադարձը պայմանավորվում է միգուցե հատուկ առաջարկներով կամ փոխադարձ գործողություններով, ստեղծեց բացասական ու մռայլ մի իրավիճակ։

Հայաստանի Հանրապետությունը, այդ պայմաններին համակերպվելով, կորցրեց իր սկզբունքային դիրքը՝ պահանջելով բոլոր գերիների անհապաղ վերադարձը։ Այն դեպքում, երբ երկու կողմերի միջեւ փոխադարձ բացահայտ պայմանավորվածություններ չկային, Ադրբեջանը շարունակում է վերածել այս հարցը առեւտրի նյութի՝ նույնիսկ այն մարդկանց հարցին, ովքեր այժմ գտնվում են Բաքվում եւ ենթարկվում են դատավարությունների։ Սա, անշուշտ, հանգեցնում է նորագույն խնդիրների, որոնք միայն կխորանան՝ ստեղծելով սրված իրավիճակ։

Հիշեցնելով սահմանային խնդիրները` պետք է առանձնահատուկ ուշադրություն դարձնենք այն փաստին, որ Հայաստանի գործող վարչապետը պաշտոնապես ճանաչել է Ադրբեջանի տարածքային ամբողջականությունը՝ ընդունելով 86,600 քառակուսի կիլոմետր տարածք։ Սակայն Ադրբեջանը չի գնացել նույն քայլին՝ չճանաչելով Հայաստանի 29,700 կամ 29,800 քառակուսի կիլոմետր տարածքը։ Սա կարեւոր տարր է, որը պետք է նկատի առնենք, որովհետեւ այն խախտում է տարաձայնությունները երկու երկրների միջեւ, եւ Հայաստանի Հանրապետության կողմից Ադրբեջանին տարածքային ամբողջականություն ճանաչելը, իր հերթին, դառնում է կարեւոր բաղադրիչ առկա բանակցությունների գործընթացում:

ԴԻԱՆԱ ՄԱՆՈՒԿՅԱՆ

Հ.Գ. - Շարունակությունը կարդացե՛ք թերթի առաջիկա համարներից մեկում:

Այս թեմայով Գեւորգ Սուջյանը նորություն ունի 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր «Արևմտյան Ադրբեջանի» մասին խոսույթը պիտի վերջ տրվի ու չշարունակվի հանուն խաղաղության հաստատման