Ո՞ՒՄ Է ՊԵՏՔ ՆԻԿՈԼԻ ՄՈՍԿՈՎՅԱՆ ԱՅՑԸ ՉԵՂԱՐԿԵԼԸ

Այս­պի­սով, ա­մեն ինչ խո­սում է այն մա­սին, որ մա­յի­սի 9-ին Մոսկ­վա­յում ոչ թե պար­զա­պես Հաղ­թա­նա­կի 80-ամ­յակն են նշում, այլ կա­րող են լուծ­վել գլո­բալ նշա­նա­կութ­յան հար­ցեր՝ կապ­ված, ա­ռանց չա­փա­զան­ցութ­յան, ողջ աշ­խար­հի ա­պա­գա­յի հետ մո­տա­կա տաս­նամ­յակ­նե­րում (Տե´ս նաեւ https://iravunk.com/?p=312500&l=am): Եվ ա­հա չմո­ռա­նանք, որ այդ ա­մե­նին ներ­կա լի­նե­լու հնա­րա­վո­րութ­յուն ու­նեն նաեւ Նի­կոլն ու Ա­լիե­ւը, ին­չը եւս ո­րո­շա­կի զար­գա­ցում­ներ են­թադ­րում է:

­Բայց ա­հա, նա­խօ­րեին Նի­կո­լի այդ այ­ցի հետ կապ­ված, բա­վա­կա­նին տա­րօ­րի­նակ հայ­տա­րա­րութ­յուն հնչեց­րեց Ա­լեն Սի­մոն­յա­նը: «Կար­ծում եմ, որ նա կմաս­նակ­ցի։ Իմ կող­մից այս մա­սին խո­սե­լը սխալ է>>,-ա­սաց նա՝ խոսքն ա­վար­տե­լով այսկերպ. «Վեր­ջին պա­հին կա­րող է ո­րո­շել չգնալ»:

Օ­րերս MI-6-ի ղե­կա­վար Ռի­չարդ Մու­րի հետ Նի­կո­լի հան­դիպ­ման մա­սին խո­սակ­ցութ­յուն­նե­րից հե­տո մենք եւս են­թադ­րել էինք, որ կա­րող է Նի­կո­լը պա­տա­հա­բար մա­յի­սի 8-ին «կո­րո­նա­վի­րու­սով վա­րակ­վել»՝ չե­ղար­կե­լով մոս­կով­յան այ­ցը: Այդ դեպ­քում կնշա­նա­կի, որ Մու­րի «խնդրան­քը» Նի­կո­լի հա­մար դեռ շա­րու­նա­կում է ծան­րակ­շիռ մնալ: Լ­րագ­րող­ներն էլ, բնա­կա­նա­բար, փոր­ձե­ցին Ա­լե­նից պար­զել, թե ին­չո՞վ է պայ­մա­նա­վոր­ված նրա այդ կար­ծի­քը, թե՝ կա­րող է եւ չգնալ: Այ­սինքն, «կա­րող է հի­վան­դա­նալ քո­վի­դո՞վ»: Ա­լենն էլ միան­գա­մից մտավ ո­ճի մեջ. «Գու­ցե։ Դե, չէ՞ որ շա­տերն են հի­վան­դա­ցել։ Հնդ­կաս­տա­նի նա­խա­գահն, օ­րի­նակ…»: Վատ օ­րի­նակ էր, քա­նի որ «Հնդ­կաս­տա­նի նա­խա­գա­հի»՝ Մոսկ­վա չայ­ցե­լե­լու պատ­ճա­ռը հայտ­նի է՝ պա­ղես­տին­յան ճգնա­ժա­մը: Ա­վե­լին, այս օրե­րին հայտ­նի դար­ձավ, որ Պու­տի­նը ոչ միայն կապ­վել է «Հնդ­կաս­տա­նի նա­խա­գա­հի» հետ, այլ նաեւ լու­րեր կան ո­րո­շա­կի նոր զի­նա­տե­սակ­ներ մա­տա­կա­րա­րե­լու մա­սին:

­Կարճ ա­սած, Ա­լե­նի այդ բա­ցատ­րութ­յու­նը բա­նի պետք չէ, եւ մնում է հաս­կա­նալ, թե նա այդ ին­չի՞ց ել­նե­լով է մտա­ծում, որ վեր­ջին պա­հին Նի­կոլն այդ այ­ցը, ո­րը, ի դեպ, հաս­տա­տել է Պու­տի­նի հետ հե­ռա­խո­սազ­րույ­ցում, կա­րող է չե­ղար­կել: Այ­սինքն, Նի­կո՞լն է նրա մի­ջո­ցով սկսել հող նա­խա­պատ­րաս­տել այ­ցը չե­ղար­կե­լու հա­մար: Կամ մի­գու­ցե դրսի՞ց են Ա­լե­նին խնդրել՝ սկսել նման հող նա­խա­պատ­րաս­տել: Ի՞նքն է այդ­պես ցան­կա­նում, կամ կա­րո՞ղ է ինչ-որ ա­նի­մաստ մտքեր է հնչեց­նում:

­Բայց մյուս կող­մից էլ, Ա­լե­նի այդ հայ­տա­րա­րութ­յունն ա­ռանց Նի­կո­լի թե­մա­յի էլ մեծ աղ­մուկ հան­եց, հաշ­վի առ­նե­լով տա­րօ­րի­նակ վի­ճա­կը: Այ­սինքն, մինչ այդ նա հան­դի­պել էր ՌԴ դես­պա­նի հետ, ին­չի հետ կապ­ված տա­րա­ծեց տե­ղե­կատ­վութ­յուն, թե քննար­կել են եր­կու երկր­նե­րի հա­րա­բե­րութ­յու­նն­երի թե­ման, ինչ­պես նաեւ՝ Մատ­վիեն­կո­յի ծրագր­ված այ­ցը: Այ­սինքն, պետք է որ բա­րիդ­րա­ցիա­կան հան­դի­պում լի­ներ: Եվ ա­հա, հան­դի­պու­մից ան­մի­ջա­պես հե­տո Ա­լե­նը լրագ­րող­նե­րի հետ խո­սում է ոչ միայն Նի­կո­լի Մոսկ­վա գնալ-չգնա­լուց, այլ նաեւ սկսում է «շան լափ թա­փել» ռուս­նե­րի գլխին: Այն տրա­մա­բա­նութ­յամբ, թե՝ «Հ­յու­սի­սա­յին հա­րե­ւա­նի կող­մից» մեծ փո­ղեր են ծախս­վում Հա­յաս­տա­նում հե­ղաշր­ջում ա­նե­լու հա­մար, Ռու­սաս­տա­նը Հա­յաս­տա­նի դեմ վա­րում է հիբ­րի­դա­յին պա­տե­րազմ եւ այդ­պես շա­րու­նակ: Միայն թե այդ­քա­նից հե­տո հա­սավ այն մտքին, թե՝ Նի­կոլ Փա­շին­յա­նը Ռու­սաս­տա­նի հա­մար միան­գա­մայն ցան­կա­լի ղե­կա­վար է. «Ին­չո՞ւ է ան­ցան­կա­լի։­Մեզ հա­կա­ռակն են ա­սում»: Բայց պարզ հարց է ա­ռա­ջա­նում. ե­թե Նի­կո­լը ցան­կա­լի է, ա­պա ին­չո՞ւ պետք է փոր­ձեն Հա­յաս­տա­նում իշ­խա­նա­փո­խութ­յուն կազ­մա­կեր­պել, ինչ­պես որ պնդում էր Ա­լե­նը:

­Կարճ ա­սած, խա­ռը մտքե­րի կույտ, ո­րի տակ մեկ գիծ էր զգաց­վում՝ ռուս­նե­րը վատն են, բայց Նի­կո­լը ու­զում է գնալ Մոսկ­վա, թե­եւ լավ կա­ներ, որ հրա­ժար­վեր: Բայց հաշ­վի առ­նե­լով, որ այս հա­խուռն մտքե­րը նա սկսեց հնչեց­նել ՌԴ դես­պա­նի հետ հան­դի­պու­մից հե­տո, կա­րե­լի է նաեւ մտա­ծել, որ այդ հան­դիպ­ման ժա­մա­նակ այն­պի­սի խո­սակ­ցութ­յուն է ե­ղել, ո­րը լրջո­րեն նյար­դայ­նաց­րել է Ա­լե­նին:

Մ­յուս կող­մից, ե­րեկ հայտ­նի դար­ձավ, որ Լավ­րո­վը կայ­ցե­լի Հա­յաս­տան, եւ հա­վա­նա­բար այ­ցը տե­ղի կու­նե­նա մա­յի­սի 21-ին: Այն, որ տե­ւա­կան ընդ­մի­ջու­մից հե­տո Լավ­րո­վը նման այց էր ծրագ­րում, շատ ա­վե­լի վաղ էր խոս­վում: Նաեւ ա­ռիթ ու­նե­ցել ենք մեր աղբ­յուր­նե­րի լու­րե­րը փո­խան­ցել, որ դա տե­ղի կու­նե­նա այն դեպ­քում, ե­թե նի­կոլ­յան իշ­խա­նութ­յուն­նե­րը վե­րա­փո­խեն ՌԴ-ի, այդ թվում՝ ՀԱՊԿ-ի հետ կապ­ված ի­րենց մո­տե­ցում­նե­րը: Եվ ե­թե ըն­դու­նենք, որ մա­յի­սի 21-ին այցն ի­րոք ար­դեն գո­նե նախ­նա­կան մա­կար­դա­կով ծրագր­ված է, կնշա­նա­կի, որ դրա հետ կապ­ված կա­րող են Նի­կո­լի մոս­կով­յան այ­ցի ժա­մա­նակ ար­դեն հստակ պայ­մա­նա­վոր­վա­ծութ­յուն­ներ ձեռք բեր­վել: Այ­սինքն, ե­թե ինչ-ինչ ու­ժեր ցան­կա­նու­մ են դա ձա­խո­ղել, ա­պա պետք է պար­զա­պես ձա­խո­ղել Նի­կո­լի այ­ցը: Ինչ­քա­նո՞վ կստաց­վի, կտես­նենք ար­դեն վա­ղը:

Այս թեմայով Ալիեւը չեղարկել է իր այցը Մոսկվա Բրիտանիայի ճնշման և Էրդողանի անձնական զանգի արդյունքում. Ուկրաինական աղբյուր Տո Ռուսաստանից էլ պետք է փող բերենք, ամեն տեղից էլ պետք է բերենք. Ալեն Սիմոնյան Սի Ծինփինի այցը Մոսկվա դիտարկվել է՝ որպես ազդանշան ԱՄՆ-ին ԻՆՉ ՀՈՒՇԵՑ ՌԴ ԴԵՍՊԱՆԸ ՆԻԿՈԼԻՆ՝ ՄՈՍԿՈՎՅԱՆ ԱՅՑԻՆ ԸՆԴԱՌԱՋ Հարցվածների 86%-ը կարծում է, որ պետք է ծանոթանան Ադրբեջանի հետ խաղաղության պայմանագրի նախագծին. Գելափ