Վերին Լարսի ձյունահյուսավտանգ հատվածը շրջանցող ճանապարհը տարեվերջին կամ մյուս տարի պատրաստ կլինի. ՏԿԵՆ

Լարսի հիմնախնդիրը պայմանավորված է հիմնականում եղանակային պայմաններով՝ նրանով, որ տարվա ընթացքում մինչև երկու ամիս ժամանակահատվածով փակ է լինում: Այդ խնդիրը ոչ միայն Հայաստանի բեռնափոխադրողներին է անհանգստացնում, այլև այդ ուղուց օգտվող այն երկրների բեռնափոխադրողներին, որոնք իրականացնում են բեռնափոխադրումներ ԵԱՏՄ երկրներ կամ ԵԱՏՄ երկրների միջոցով երրորդ երկրներ: Այս մասին ԱԺ-ում հայտարարեց ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը:

«Այն ճանապարհահատվածը, որը հիմա կառուցվում է վրացական կողմում, ճիշտ է, նախատեսված էր, որ դեռ 2024 թվականի վերջին պետք է ավարտին հասցվեր, ըստ սկզբնական կանխատեսման, բայց հաշվի առնելով քովիդի, լոգիստիկ փոփոխությունների հետ կապված հոսքերի հետ որոշակի խնդիրներ՝ այդ ժամկետը հետաձգվեց, և մենք կարծում ենք, որ մոտակա ժամանակներս՝ այս տարեվերջին կամ մյուս տարի այդ ճանապարհը, որը շրջանցում է ձյունահյուսավտանգ հատվածը, ամբողջությամբ պատրաստ կլինի, և Վերին Լարսի անցակետը այլևս կգործի տարին 365 կամ 366 օր»,- պարզաբանեց նախարարի տեղակալը:

Նրա խոսքով՝ դրա հետ կապված ծախսերը, որոնք լրացուցիչ առաջանում են բեռնափոխադրումների ժամանակ, կհասցվեն մինիմումի:

Այս թեմայով Լարսը փակ է բոլոր տեսակի տրանսպորտային միջոցների համար Վերին Լարս տանող ճանապարհը բացվեց բեռնատարների համար 423 հայկական բեռնատար է մնացել Վերին Լարսում ՇՏԱՊ. Հայրիկյանը պետք է հայցի հասարակության ներողամտությունը, դա պահանջում հեղինակություն վայելող Պարույր Հայրիկյանի շահը. Հայտնի փաստաբանի բացառիկ հարցազրույցը Անկասելի է մեր «Բոլերոն»․ վարչապետը հրապարակել է «Բանտային օրագրից» մի հատված