Ո՞ր սեռի համար է առանձնապես վտանգավոր սմարթֆոնների ազդեցությունը

Գիտնականների միջազգային խումբը պարզել է, որ սեռը զգալիորեն ազդում է սմարթֆոնների օգտագործմանն առնչվող վտանգի աստիճանի վրա։ Հետազոտությունը պարզել է, որ կանայք շատ ավելի հակված են անհանգստություն և վախ զգալ առցանց բացասական ակնարկներից, քան տղամարդիկ։ Դրա մասին հայտնել է European Psychiatric Association-ը (EPA):

Հետազոտությանը մասնակցել է 400 մարդ, որոնց միջին տարիքը կազմել է մոտ 26 տարեկան։ Մասնակիցներին գնահատել են տարբեր սանդղակներով՝ որոշելու համար նրանց սմարթֆոններից կախվածության մակարդակը, հուզական կայունությունը և սոցիալական անհանգստության աստիճանը, գրում է gazeta.ru-ն։ Արդյունքները ցույց  են տվել, որ կանայք ավելի շատ ժամանակ էին անցկացնում իրենց հեռախոսում և միևնույն ժամանակ զգալիորեն ավելի հակված էին հուզական սթրեսի՝ սոցիալական ցանցերում այլ օգտատերերի կողմից բացասական արձագանքների սպասման առնչությամբ։

Եվրոպական հոգեբուժական ասոցիացիայի նախագահ, պրոֆեսոր Գերտ Դոմը հիշեցրել է, որ Z սերնդի գրեթե բոլոր ներկայացուցիչներն օգտագործում են սմարթֆոններ։ Նա ընդգծել է, որ արդեն իսկ կան բազմաթիվ տվյալներ, որոնք գաջեթների և սոցիալական ցանցերի օգտագործումը կապում են երիտասարդների շրջանում հոգեկան առողջության խնդիրների, ինքնավնասման վարքագծի և նույնիսկ ինքնասպանության հակումների աճի հետ։ Նրա կարծիքով, խնդիրը պահանջում է մասնագետների և ամբողջ հասարակության անհապաղ ուշադրությունը։

Հետազոտության հեղինակները վստահ են, որ թվային վարքագծի մեջ սեռային տարբերությունների ըմբռնումը կօգնի ավելի արդյունավետ ախտորոշել կախվածությունը և մշակել ռազմավարություններ՝ դրա ազդեցության տակ ընկածներին օգնելու համար։

Այս թեմայով Փաշինյանը վերջնականապես Հայաստանը դարձրեց Ռուսաստանի եւ Եվրոպայի համար մարտադաշտ Լրացուցիչ 94,6 մլն դրամ կհատկացվի վարչապետի աշխատակազմի գործուղումների համար Արտահանողներին և մթերողներին աջակցելու համար կառավարությունը 4,5 մլրդ դրամ հատկացրեց ՀՐԱՏԱՊ. Վարդանի շուրջ 19-ամսյա կալանքը նշանակում է արդեն հարյուր հազարավոր դոլարների հանրային միջոցների ծախս Ucom-ի աջակցությամբ AI տեսախցիկ է տեղադրվել բնության պահպանության համար