Փաշինյան-Զավենիչ զրույցն ավարտվել է առանց համաձայնության

Իշխանական կուլիսներում ասում են, թե Նիկոլ Փաշինյան-Արամ Զավենիչ զրույցը դառն է եղել երկու կողմերի համար էլ: Փաշինյանը «Հանրապետություն» կուսակցության նախագահ Արամ Սարգսյանին ուղիղ հասկացրել է, որ քաղակտիվիստ ծեծող իր կուսակցականը շարունակելով պաշտոնավարել, որպես Նոր Նորք վարչական շրջանի ղեկավար, իր վարկանիշի հետ է խաղում: Զավենիչն էլ հակադարձել է, որ «ժերտվա տալով» Նոր Նորքի թաղապետին` սկիզբ կդրվի Երեւանի ավագանու «Հանրապետություն» խմբակցությունից եւ կուսակցության զբաղեցրած այլ պաշտոններից առնետավազքի, ինչը հաստատ ձեռնտու չէ մեծամասնություն չունեցող ՔՊ-ի, եւ գործը կգնա արտահերթ ընտրությունների ճանապարհով:

Արամ Սարգսյանն ակնարկել է, թե Նոր Նորքի թաղապետը հրաժարական կտա միայն մի դեպքում, երբ մի եվրավարչապետի պաշտոն իջեցվի իր համար՝ ԵՄ-ին անդամակցելու հարցերով զբաղվող: Փաշինյանը, թեպետ չի մերժել, բայց ասել է, որ ռուսների հետ խնդիր կլինեն, հետեւապես պետք է սպասել մինչեւ Մոսկվայից վերադառնա: Արդյունքում վերջնական համաձայնություն չի կայացել: Ավելին՝ իշխանական աղբյուրները պնդում են, թե չի բացառվում, որ Մոսկվայից վերադառնալուց հետո Փաշինյանը ոչ թե պաշտոն տա Զավենիչին, այլ ձերբակալի ինչ-ինչ պատրվակով:

Սեփ. լրատվություն

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Փաշինյանը նպատակ ունի կտրել թաղման նպաստները Ռուսաստանի հետ մեր հարաբերությունները անխուսափելիորեն փոխվելու են․ Փաշինյան Հազար նոր ավտոբուս էլ բերենք, պիկ ժամերին հնարավոր է քչություն անի. Աշոտ Սարգսյան ՔՊ-ի կեղտոտ սպիտակեղենը փռել են արեւին