Երեւանում քաղաքային անգործությունը նոր «ջրի աղբյուրներ» է ստեղծում

Վերջին օրերին Երեւանի Օրբելի փողոցի 67/2 շենքի մոտ «Իրավունք»-ի տեսախցիկը ֆիկսել է, որ ուղիղ ասֆալտապատ տարածքի միջից ջուր է ցայտում՝ հիշեցնելով բնական գետ կամ ժայթքող աղբյուր։ Գարնանային հալոցքից չէ, ոչ էլ ջրագծերի կանոնավոր մաքրման արդյունք. այստեղ՝ մայրաքաղաքի կենտրոնամերձ թաղամասում, գործ ունենք իրականում փչացած ենթակառուցվածքի, թերի սպասարկման եւ քաղաքային իշխանությունների անգործության հետ։

Ի դեպ, սա մեկ առանձին դեպք չէ։ Սա խորհրդանշական պատկեր է այն խորը ճգնաժամի, որում հայտնվել է քաղաքային կառավարումը։ Քաղաքապետարանը լռում է, «Վեոլիա ջուր» ընկերությունը՝ եւս: Մինչ քաղաքային իշխանությունները զբաղված են մարդ ծեծելով՝ երեւանցիներն ապրում են վթարային վիճակում՝ բառի ամենաբուն իմաստով։

Ի վերջո, ո՞վ է պատասխան տալու, որ քաղաքում փողոցներից ջուր է ցայտում, քաղաքապետարանից միայն անպատասխանատվություն է հորդում։

ՀՐԱՆՏ ՍԱՐԱՖՅԱՆ

Այս թեմայով Վարորդը բռունցքով հարվածել է պարեկների դեմքին Երթևեկության փոփոխություն Գայի պողոտայում և Սարալանջի պողոտա – Արմենակյան փողոց խաչմերուկում Թուրքերը Երեւանում շենքե՞ր են կառուցում Այս անգամ երբ փողոց դուրս գանք, վերջնական կհեռացնենք. Բագրատ Սրբազան Գիտնականները փողոցի աղմուկը կապել են գլխուղեղի կաթվածի հավանականության բարձրացման հետ