Երկրորդ միջազգային հակաֆաշիստական համաժողովն ամփոփեց իր աշխատանքները Մոսկվայում

Ռուսաստանի մայրաքաղաքում հաջողությամբ ավարտվեց Երկրորդ միջազգային հակաֆաշիստական համաժողովը: Եռօրյա քննարկումներին և միջոցառումներին մասնակցեցին 91 երկրի ներկայացուցիչներ՝ ընդհանուր առմամբ 164 դելեգացիա: Հայաստանը ներկայացնում էր Հայաստանի Կոմունիստական Կուսակցության պատվիրակությունը՝ ՀԿԿ կենտկոմի առաջին քարտուղար Երջանիկ Ղազարյանի գլխավորությամբ:

Համաժողովը բացվել էր Ալեքսանդրովյան այգում «Անհայտ զինվորի հուշարձանին» ծաղիկներ խոնարհելու արարողությամբ՝ ԿԿՄ-ԽՄԿԿ ներկայացուցիչների առաջնորդությամբ: Բացման օրը մասնակիցները այցելեցին Վլադիմիր Լենինի դամբարանը Կարմիր Հրապարակում՝ հարգանքի տուրք մատուցելով աշխատավոր դասակարգի առաջնորդին:

Միջոցառումների շրջանակում պատվիրակները նաև այցելեցին «Հաղթանակի թանգարան»՝ ծանոթանալով Հայրենական Մեծ Պատերազմում կարմիր բանակի սխրանքներին: Առաջին օրն ամփոփվեց «Սովետական Բանակի» թատրոնում՝ ռուսական բանակի երգ ու պարի Ալեքսանդրովյան համույթի համերգով, որի ընթացքում հնչեցին Հայրենական Մեծ Պատերազմին նվիրված ստեղծագործություններ:

Համերգից առաջ ելույթ ունեցավ Ռուսաստանի Դաշնության Կոմունիստական Կուսակցության նախագահ Գեննադի Զյուգանովը, ով նշեց. «Այսօր միջազգային հակաֆաշիստական երկրորդ ֆորումին եկել են 91 երկրի ներկայացուցիչներ, դա 164 դելեգացիա է՝ կազմված աշխատավորական, հայրենասիրական, ժողովրդական և կոմունիստական կուսակցություններից: Նրանք եկել են Մոսկվա, որպեսզի նորից կանգնեն ուս ուսի և վճռական ասեն՝ «ո՛չ ֆաշիզմին, ո՛չ պատերազմին, կեցցե՜ խաղաղությունը, կեցցե՜ պրոլետարական համերաշխությունը, կեցցե՜ն մեր հաղթանակները տարած ամենասև և չար ուժերի հանդեպ, որոնք նորից սպառնում են մեզ, այդ թվում նոր ատոմային պատերազմով»:

Համաժողովի երկրորդ օրը՝ ապրիլի 23-ին, անցկացվեց ծավալուն քննարկում, որի ընթացքում անդրադարձ կատարվեց պատմական և ժամանակակից ֆաշիզմին վերաբերող հարցերին, ուսումնասիրվեցին ժամանակակից ֆաշիզմի դերը հասարակությունում, նրա պատմական հիմունքները և առաջացման մեխանիզմները:

Եվրոպական սեկցիայի քննարկման ժամանակ ելույթ ունեցավ ՀԿԿ կենտկոմի առաջին քարտուղար Երջանիկ Ղազարյանը: Նա իր խոսքում անդրադարձավ հայ մարտիկների մասնակցությանը Հայրենական Մեծ պատերազմում, ինչպես նաև հայ աշխատավորի անձնանվեր թիկունքային աշխատանքին ու դրա արդյունքներին: Քարտուղարը հատուկ նշեց հայոց ցեղասպանության հիշատակի օրը և «Իթթիաթ վե Թերաքի» երիտթուրքական կուսակցությունը բնութագրեց որպես ֆաշիստական մեթոդների և գաղափարների նախահայր:

Եզրափակիչ օրը տեղի ունեցավ ԿԿՄ-ԽՄԿԿ Պլենումը, որին մասնակցում էին 18 հանրապետությունների ներկայացուցիչներ, որոնցից երկուսը գործում են հատուկ պայմաններում: Պլենումին Երջանիկ Ղազարյանը ներկայացրեց Գյումրիում կոմունիստական կուսակցության հաղթանակը: Պայմանավորվածություններ ձեռք բերվեցին համագործակցությունն էլ ավելի խորացնելու, ստեղծված խնդիրները համատեղ լուծելու մեխանիզմների մասին, ինչպես նաև Մեծ Հայրենական պատերազմի հաղթանակի 80-ամյակն արժանավոր նշելու կապակցությամբ:

Համաժողովի ավարտին մասնակիցները միաձայն ընդունեցին հակաֆաշիստական հռչակագիր՝ կոչ անելով համաշխարհային հանրությանը միավորել ուժերը ֆաշիզմի և նեոնացիզմի դեմ պայքարում:

Այս թեմայով Ինչու հայ վետերանները դեռ չեն ստացել Մեծ հաղթանակի 80-ամյակի մեդալները Հուսամ, ՀՀ Գլխավոր Դատախազությունը կձեռնարկի բոլոր անհրաժեշտ միջոցները «ՍՄԲԱԿԱՎՈՐ ՄԵՆԹԱԶԱՎՐԵՐԻՆ» օրենքի տառի ու կետի հետ առերեսելու համար Ադրբեջանը Հայաստանի հետ խաղաղության համաձայնագրի կնքման խոչընդոտող գործոններ է շարունակում համարել ՀՀ Սահմանադրությունն ու ԵԱՀԿ Մինսկի խմբի լուծարման հարցը ԵՄ-ն չի կարողանա փոխհատուցել Հայաստանի տնտեսության համար անխուսափելի կորուստները ԵԱՏՄ-ից դուրս գալու դեպքում. ՌԴ ԱԳՆ Հայկոյին մեղադրելու համար Անահիտին պատրաստ էին հրապարակում այրել, իսկ Անիին քաջալերում են. հաջողակ ու խեղճ կանանց ընդունումը` հանրության կողմից. Արա Ղազարյան