Մխիթարյանը` չեղարկված գոլի և «Բարսելոնայի» դեմ խաղի մասին

 Հենրիխ Մխիթարյանը Միլանի «Ինտերի» կազմում «Բարսելոնայի» դեմ Չեմպիոնների լիգայի կիսաեզրափակիչի առաջին հանդիպումից հետո, որն ավարտվեց 3:3 հաշվով,  TNT Sports-ի զրույցում կիսվել է տպավորություններով.

«Ավելի լավ կարող էր լինել, բայց սա ֆուտբոլ է. ամեն ինչ պատահում է: 2-0 հաշվի մեջ առջևում լինելու ժամանակ չէինք կարծում, թե արդեն հաղթել ենք: «Բարսան» մեծ ճնշում գործադրեց մեզ վրա: Նրանք շատ լավ էին գործում գնդակով: Մեր լավագույնն արեցինք: Ափսոս, չկարողացանք պահել 3-2 հաշիվը, բայց սա ֆուտբոլ է, այնպես որ պետք է մտածենք պատասխան խաղի մասին»:

Հայ ֆուտբոլիստննիր չեղարկված գոլի մասին հակիրճ է արտահայտվել.

«Հավանաբար, ամբողջ կյանքում կհիշեմ։ Երևի 2-3 սանտիմետր էր: Գուցե չափից շատ էի ցանկանում գրավել դարպասը, դրա համար հայտնվեցի խաղից դուրս վիճակում: Հուսով եմ՝ պատասխան խաղում գոլ կխփեմ: Տեսնենք»,- FC Inter News-ի հաղորդմամբ՝ Amazon Prime Video Italia-ի եթերում ասել է Մխիթարյանը:

«Կփորձենք մեր լավագույն որակները ցուցադրել: Իհարկե, հեշտ չի լինելու, քանի որ կորցրինք մեր ավագին, առաջատարին՝ Լաուտարո Մարտինեսին, բայց պետք է ամեն ինչ անենք, որ կարողանանք փոխարինել նրան ու խաղալ առանց նրա»,-ասել է Մխիթարյանը պատասխան հա դիպման մասին, որը կկայանա մայիսի 6-ին։

Այս թեմայով «Ինտեր» - «Բարսելոնա» հանդիպման մրցավարական կազմը հայտնի է «Ինտերի» մեկնարկային կազմը «Վերոնայի» դեմ խաղում Ռուբեն Մխիթարյանը շնորհավորելով մամուլի ազատության օրը՝ գրել է. «Արմմոնո»-ն 23-րդ անգամ միավորում է թատրոնն ու հանդիսատեսին Եթե ՔՊ-ն միամիտ լավ օրինագիծ երկնի, հո հոգեկան հիվա՞նդ չենք, որ դեմ քվեարկենք․ Ռուբեն Մխիթարյան