«Ժողովուրդ». Փորձելու է Մոսկվայի եւ Կրեմլի վստահությունը նորից շահել. Փաշինյանը մայիսի 9-ի առթիվ Մոսկվա կմեկնի

«Ժողովուրդ» օրաթերթը գրում է. «Մայիսի 9-ին ԱՊՀ անդամ պետությունների ղեկավարները Մոսկվայում կմասնակցեն Երկրորդ համաշխարհային պատերազմում տարած հաղթանակի 80-ամյակին նվիրված տոնակատարություններին, սակայն Փաշինյանի այցի մանրամասները գաղտնի են պահվում։

Դեռևս մարտի 14-ին ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի միջև կայացած հեռախոսազրույցից հետո Կրեմլը հայտնել էր, որ Հայաստանի վարչապետը հաստատել է, որ ընդունում է Ռուսաստանի նախագահի հրավերն ու մասնակցելու է մայիսի 9-ին Մոսկվայում նախանշված Հայրենական մեծ պատերազմում տարած հաղթանակի 80-ամյակի հոբելյանական տոնակատարություններին։

1, արդյոք Նիկոլ Փաշինյանը, ինչպես նախորդ տարիներին, մեկնելու է նույն օրը և վերադառնալո՞ւ, թե՞ գիշերելու է ՌԴ-ում և վերադառնալու է հաջորդ օրը։

2․Ո՞ւմ հետ և ի՞նչ հանդիպումներ են նախատեսված Փաշինյանի այցի ընթացքում։

3․ Արդյոք նախատեսվա՞ծ են Փաշինյան-Պուտին, Պուտին-Ալիև կամ եռակողմ հանդիպումներ, և ի՞նչ օրակարգով է վարչապետը մասնակցելու այդ հանդիպումներին։

Վարչապետի աշխատակազմից հարցմանն ի պատասխան փոխանցեցին, որ վարչապետ Նիկոլ Փաշինյանի բոլոր այցերի վերաբերյալ ՀՀ վարչապետի աշխատակազմը ժամանակին տրամադրում է պատշաճ տեղեկատվություն։

Բանն այն է, որ ըստ «Ժողովուրդ» օրաթերթի տեղեկությունների, Փաշինյանը պատրաստվում է գիշերել Մոսկվայում և հետնաբեմում արտաքին քաղաքական հարցեր է փորձելու լուծել․ մասնավորապես փորձելու է Մոսկվայի և Կրեմլի վստահությունը նորից շահել»։

Առավել մանրամասն թերթի այսօրվա համարում

Այս թեմայով Մեծ Բրիտանիայում պատասխանել են Զելենսկու Մայիսի 9-ի սպառնալիքներին ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ Սարսափելի պայթյուն և հրդեհ Մոսկվայի բազմահարկ շենքում (Տեսանյութ) Աստղագուշակ մայիսի 5-ի համար Անձրև, ամպրոպ, քամու ուժգնացում. եղանակը՝ մայիսի 5-8