Փաշինյանի ապազգային խոսքերը վտանգավոր են մեր ժողովրդի և պետության համար. Գառնիկ Դանիելյան

Նիկոլ Փաշինյանի մամուլի քարտուղար Նազելի Բաղդասարյանը փոխանցել է վարչապետի աթոռը զբաղեցնողի վերաբերմունքն ապրիլի 23-ին ՀՅԴ կազմակերպած ջահերով երթի ժամանակ Թուրքիայի եւ Ադրբեջանի դրոշների այրման առնչությամբ։ Փաշինյանը դատապարտում է այդ գործելակերպը` այն համարելով անպատասխանատու եւ անընդունելի, սադրիչ եւ հրահրող: Անդրադառնալով վերոնշյալին՝ «Իրավունք»-ը զրուցել է ԱԺ «Հայաստան» խմբակցության պատգամավոր ԳԱՌՆԻԿ ԴԱՆԻԵԼՅԱՆԻ հետ:

— Ցավոք, մեզ համար նորություն չէ։ Նիկոլ Փաշինյանը հերթական անգամ հանդես է գալիս իր ապազգային խոսքերով ու մտքերով, որոնք ոչ միայն խորթ են ազգային արժեհամակարգին, այլեւ` վտանգավոր մեր ժողովրդի ու պետականության համար։ Նա կրկին  ավելի շատ մտահոգություն է հայտնում այն բանի շուրջ, թե ինչպես են վառվում Ադրբեջանի եւ Թուրքիայի դրոշները, քան իրական ցավի ու ողբերգության մասին, որն ապրեց մեր ժողովուրդը Արցախում։ Նա ուշադրություն չի դարձնում այն փաստին, որ հենց այդ պետություններն էին՝ Ադրբեջանը եւ Թուրքիան, որոնք իրականացրին ցեղասպանական քաղաքականություն Արցախի հայ բնակչության նկատմամբ՝ հետեւողականորեն հայաթափելով տարածաշրջանը։ Այդ ամենը տեղի ունեցավ իր աչքի առաջ, բայց նա այդ օրերին հանդարտ կերպով հայտարարում էր, թե իրավիճակը վերահսկելի է, եւ արցախցիների անվտանգությանը ոչինչ չի սպառնում։ Բայց մենք շատ լավ տեսանք, թե իրականում ինչ կատարվեց։ Արցախը զրկվեց իր բնիկ հայ բնակչությունից, մեր պատմական հայրենիքի մի մասը դարձավ դատարկ, լուռ վկա՝ հերթական ցեղասպանության։ Սա շարունակությունն է այն քաղաքականության, որով Փաշինյանը տարեցտարի քայլ առ քայլ հեռանում էր ազգային շահերից՝ մերժելով այն արժեքները, որոնք պահում էին մեր ինքնությունը։ Նրա վերջին հայտարարությունները եւս հաստատում են՝ շարունակում է նույն ուղին։ Ավելին՝ անգամ երբ խոսում է Մեծ Եղեռնի մասին, նա խուսափում է «ցեղասպանություն» բառից, ինչը սառը վերաբերմունք է մեր պատմական ցավի հանդեպ։ Այդ բացթողումը նկատել են ոչ միայն Հայաստանի ներսում, այլեւ՝ միջազգային շրջանակներում։ Լեմկինի համալսարանի մի շարք հեղինակավոր փորձագետներ նույնպես բարձրաձայնել են այս մասին՝ ընդգծելով, որ Հայաստանի ներկայիս իշխանությունները որդեգրել են ցեղասպանության մերժման քաղաքականություն։

ԴԻԱՆԱ ՄԱՆՈՒԿՅԱՆ

Հ.Գ.- Շարունակությունը կարդացե՛ք «Իրավունք» թերթի առաջիկա համարներից մեկում:     

Այս թեմայով Որ ուժերն են մասնակցում Կարապետյանի տան հավաքին Ինչպես և սպասվում էր, Արթուր Դանիելյանի կալանքի բողոքարկումը մերժվեց «Ժողովուրդ». ՔՊ նախընտրական ցուցակից հեռացված Դավիթ Դանիելյան կցել են Կապանի ընտրություններին Չմտածված հայտարարություններով հնարավոր է միայն սրել իրավիճակը.Տնտեսագիտության դոկտորը ԵՏՄ-ից դուրս գալու մասին Քաղաքական երեսպաշտությունն ու կեղծավորությունն իսկապես սահմաններ չունեն․ Դանիելյան