Կիմ Չեն Ընը պաշտոնապես հաստատել է զnրքերի ուղարկումը ՌԴ

ԿԺԴՀ-ն պաշտոնապես հաստատել է ռազմավարական գործընկերության մասին համաձայնագրի շրջանակում Ռուսաստան զորքեր ուղարկելը, հայտարարել է երկրի Կենտրոնական ռազմական հանձնաժողովը Rodong Sinmun թերթում։

«Ընկեր Կիմ Չեն Ընը, հիմնվելով ներկա ռազմաքաղաքական իրավիճակի վերլուծության և գնահատման վրա, եկել է այն եզրակացության, որ ներկայիս իրավիճակը վերաբերում է ԿԺԴՀ-ի և Ռուսաստանի միջև Համապարփակ ռազմավարական գործընկերության պայմանագրի 4-րդ հոդվածին և դրա հիման վրա որոշում է կայացրել ռազմական գործողություններին մասնակցելու նպատակով մեր զինված ուժերն ուղարկելու մասին՝ այդ մասին տեղեկացնելով ռուսական կողմին»,- ասվում է գերատեսչության հայտարարությունում։

Նշվում է, որ ԿԺԴՀ առաջնորդ Կիմ Չեն Ընը զորքերի ուղարկումը համարել է սուրբ առաքելություն՝ ամրապնդելու բարեկամությունն ու միասնությունը երկու երկրների միջև, ապահովելու նրանց զարգացումն ու բարգավաճումը և պաշտպանելու իր պետության պատիվը։

«Ռուսաստանի Դաշնության տարածքում մեր զորքերի ռազմական գործողությունները լիովին համահունչ են ՄԱԿ-ի կանոնադրությանը, միջազգային իրավունքին և ԿԺԴՀ-ի և Ռուսաստանի միջև Համապարփակ ռազմավարական գործընկերության պայմանագրի դրույթներին և դրա ճիշտ իրականացման օրինակելի օրինակ են»,- ընդգծել է Կենտրոնական ռազմական հանձնաժողովը։

Հրատարակության համաձայն՝ Կիմ Չեն Ինը խոստացել է շուտով Փհենյանում զինվորական փառքի հուշարձան կանգնեցնել՝ հարգելու զոհված զինվորների հիշատակը։

Շաբաթ ՌԴ Գլխավոր շտաբի պետ Վալերի Գերասիմովը ՌԴ նախագահ Վլադիմիր Պուտինին զեկուցել է Կուրսկի մարզն ուկրաինական զինված ուժերի ներկայացուցիչներից մաքրելու գործողության ավարտի մասին։

ՌԴ ԱԳՆ պաշտոնական ներկայացուցիչ Մարիա Զախարովան պարզաբանել է, որ հյուսիսկորեացի զինվորականները մասնակցել են Կուրսկի սահմանային տարածքի ազատագրման գործողությանը Համապարփակ ռազմավարական գործընկերության պայմանագրի 4-րդ հոդվածի համաձայն։

Այս թեմայով Ընդդիմադիր խմբակցությունները չեն ընդգրկվի ԱԺ-ում եկեղեցու վերաբերյալ «քննիչ» հանձնաժողովում Ֆրանսիայում ոստիկանության և ցուցարարների միջև փողոցային ծանր բախումները չեն հանդարտվում (Տեսանյութ) Ե՞րբ է վահանձեւ գեղձի հանգույցը վտանգավոր ժամեր առաջ տեղեկատվական տեխնոլոգիաների ոլորտի մասնագետի է ինձ հետ կապ հաստատել, եւ փաստել, որ Ա.Հ-ն ուղարկել արհեստական բանականությամբ գեներացված իմ լուսանկարները, ինչպես նաև իմ հեռախոսահամարը ներառող կեղծ տեխնիկական տվյալներ է իրեն տրամադրել Ինչ պահանջով են առաջիկայում ակցիա իրականացնելու արցախահայերը. Փաստաբանը փակագծեր է բացում