Աշխարհի գավաթ. Արթուր Ավետիսյանը` ոսկե մեդալակիր

Արթուր Ավետիսյանը ոսկե մեդալ նվաճեց Եգիպտոսի մայրաքաղաք Կահիրեում անցկացվող սպորտային մարմնամարզության աշխարհի գավաթի խաղարկության վերջին՝ 6-րդ փուլում:

Օղակների վարժության եզրափակիչում Ավետիսյանը հավաքեց 14.466 միավոր եւ իր առաջին ոսկե մեդալը նվաճեց 2025 թ. աշխարհի գավաթի փուլերում: Որակավորման փուլում Ավետիսյանը վաստակել էր նույն միավորները եւ առաջին տեղի դուրս եկել եզրափակիչ: Այս վարժությունում եզրափակիչ դուրս եկած Հայաստանի երկրորդ ներկաացուցիչ, Եվրոպայի կրկնակի փոխչեմպիոն Վահագն Դավթյանը 13.133 միավորով 7-րդն է:

Նախորդ փուլերում Արթուր Ավետիսյանը նվաճել էր երկու բրոնզե մեդալներ՝ Օսիեկում եւ Դոհայում:

Կահիրեում անցկացվող աշխարհի գավաթի խաղարկության փուլում նժույգ թափեր վարժությունումում ոսկե մեդալակիր է դարձել 17-ամյա Համլետ Մանուկյանը:

Եզրափակիչում երիտասարդ մարմնամարզիկը վաստակեց 14.800 միավոր՝ հետ թողնելով Իտալիայի, ԱՄՆ-ի Ղազախստանի, Ուզբեկստանի եւ Ֆրանսիայի ներկայացուցիչներին:

Երիտասարդ մարմնամարզիկը ոսկե մեդալներ էր նվաճել նաեւ Խորվաթիայի եւ Քաթարի աշխարհի գավաթի փուլերում:

Աշխարհի գավաթի խաղարկության վերջին փուլում Հակոբ Սերոբյանի գլխավորած հավաքականից պայքարի մեջ մնաց Արթուր Դավթյանը: Օլիմպիական փոխչեմպիոնի մասնակցությամբ հենացատկի վարժության եզրափակիչը տեղի կունենա ապրիլի 28-ին:

Այս թեմայով Գորիսի «Համերաշխություն»-ը ոչ մի աղերս չունի իրական «Համերաշխության» հետ ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում Ներսես Ավետիսյանն ամուսնալուծվել է ԾՆՈՒՆԴԴ ՇՆՈՐՀԱՎՈՐ ԱՐԹՈՒՐՍ. Մայոր Արթուր Ալավերդյանը կդառնար 34 տարեկան