Կոնստանտինովկայի ճակատում ուկրաինական ուժերի վիճակը ծայրահեղ վատթարացել է (Քարտեզ)

Կոնստանտինովկայի ճակատում` Տորեցկի հյուսիսային եւ արեւմտյան հատվածում ուկրաինական ուժերի վիճակը ծայրահեղ վատթարացել է:

Նախ նշենք, որ այս հատվածում ուկրաինական պաշտպանությունը, որը, ի դեպ, բավականին ամուր է, կառուցված է Պետրովկա եւ Շերբինովկա բնակավայրերի հիման վրա (Քարտեզում)

Եվ ահա, հայտնվել են օբյեկտիվ վերահսկողության կադրեր, որոնք ցույց են տալիս, որ Ռուսաստանի զինված ուժերը կարողացել են հենակետ գրավել Շերբինովկա բնակավայրի հյուսիսային հատվածում` Կրիվոյ Տորեց գոտի արեւելյան հատվածում:

Մյուս կողմից, ռուսական ստորաբաժանումներն արդեն Պետրովկայի արևմտյան հատվածում են, ու ուկրաինական պաշտպանության այդ առանցքային հանգույցն արդեն իսկ մինի-պարկում է, որը ներառում է այս երկու բնակավայրերի մեծ մասը։ Ավելին, այստեղ կամուրջներ չկան թշնամու խմբին մատակարարելու համար։ Միայն ոտքով կամ անօդաչու թռչող սարքով, որով խոշոր ստորաբաժանում հազիվ թե կարողանան մատակարարել:

«Ըստ էության, թշնամու օպերատիվ շրջափակումն այստեղ արդեն դարձել է փաստ։ Եվ այս բնակավայրերի նկատմամբ վերահսկողության կորուստը մեծ խնդիր կդառնա Կոնստանտինովկայի պաշտպանության համար»,- նշում է ռուսական աղբյուրը:

Այս վերջին միտքն առավել քան տեղին է: Բանն այն է, որ դուրս գալով Շերբինովկայի հյուսիսային հատված, ռուսական ուժերը մոտ 1,5-2կմ-ի վրա են Կլեբան-Բիկի ջրամբարի արեւելյան հատվածից: Ընդ որում, Տորեցկից հյուսիս ռուսական ուժերը հարձակվում են շատ լայն ճակատով` սպառնալով դուրս գալ Իվանոպոլե - Ալեքսանդրո Շուլտինո գիծ: Դրանով կյանտնվոն Տորեցկի անմիջական մատույցներում, բայց նաեւ ստեղծելոբ մեծ կաթսա այդ գծից արեւելք ընկալ գոտու համար: Հաշվի առնելով, որ մի փոքր ավելի հյուսիսից ռուսները հարձակվում են Չասով Յարի հատվածից:

Մյուս կողմից, Պետրովկայի արևմտյան հատված մտած ռուսական ուժերը, բացի այդ բնակավայրից, հարվածում են նաեւ դեպի արեւելք` թիկունքում թողնելով ավելի հարավ ընկած իջվածքում ուկրաինական ողջ պաշտպանությունը (Քարտեզում): Նաեւ հաշվի առնելով, որ այս իջվածքի արեւմտյան թեւից` դեպի արեւելյան ուղղությանբ էլի ռուսների հարձակումն է: Այս պահին գրոհում են Ալեքսանդրապոլը, եւ հաջողության դեպքում հարձակումը կշարունակվի էլի դեպի Կլեբան-Բիկի ջրամբարի ուղղությամբ: Իսկ դա եւս մեկ մեծ կաթսա է խոստանում:

Ուկրաինական կողմի համար հիմնական խնդիրներից մեկն էլ այն է, որ ռուսական ուժերը գրոհում են շատ լայն ճակատով, որը, մեծ հաշվով, ներառում է նաեւ Պոկրովսկի ուղղությունը եւ դրանից էլ այն կողմ: Ռեզերվների պակասը պարզապես հնարավորություն չի տալիս ծածկել այդ մեծ ճակատը, եւ, արդյունքում, ռուսները կարողանում են էֆեկտիվ հարձակում իրականացնել բոլոր ուղղություններով: Եվ եթե հանկարծ բանը չհասնի զինադադարի, ապա ուկրաինական բանակը կարող է այնպիսի պարտություն կրել, որից հետո հազիվ թե ուշքի գա:

Այս թեմայով «Ահեղ դատաստանի» ձմեռ է գալիս. Ուկրաինական պաշտոնյա Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ) Ուկրաինայում դադարեցրել են պայմանագրային զինծառայողներին վճարելը. Ռադայի պատգամավոր Ռուսական բանակը կարող է մտնել Զապորոժե այս ձմռանը. Ուկրաինական հրամանատար Դմիտրի Մեդվեդևը իսկապես վախեցրել է եվրոպացիներին. Ուկրաինական գնդապետ