Նացիզմը պետք է չկարողանա կրկին ծիլեր տալ. Վահան Բաբայան

Հայրենական մեծ պատերազմում տարած հաղթանակի 80-րդ տարեդարձին ընդառաջ «Աշխարհն առանց նացիզմի» խորագրով կլոր սեղան-քննարկում իրականացվեց Ռեֆորմիստների կուսակցության նախաձեռնությամբ: Ներկա էին մի շարք քաղաքական ուժերի ներկայացուցիչներ, գիտնականներ, փորձագետներ, ինչպես նաեւ Հայաստանում Ռուսաստանի դեսպանատան խորհրդական-դեսպանորդ Դմիտրի Լիցկայը եւ դեսպանության խորհրդական Ալեքսանդր Նովիկովը։

Ռեֆորմիստների կուսակցության նախագահ ՎԱՀԱՆ ԲԱԲԱՅԱՆՆ արձանագրեց, որ նացիզմը պետք է չկարողանա կրկին ծիլեր տալ ինչպես Եվրոպայում, այնպես էլ մեր տարածաշրջանում եւ աշխարհում:

«1945 թվականի իրադարձություններից հետո, երբ ջախջախվեց նացիզմը, որեւէ մեկի մտքով չէր անցնում, որ եվրոպական պետություններում, որի տարածքներն ազատագրվեցին ֆաշիստներից, սերունդներ անց կփորձեն ջարդել, ապամոնտաժել, վերացնել Հայրենական պատերազմի հերոսների հուշարձանները, նրանց հիշատակը եւ ջնջել պատմությունը՝ ձեւավորելով այնպիսի մթնոլորտ, թե կարմիր բանակի փոխարեն՝ չգիտես ովքեր են եկել եւ ազատագրել Եվրոպայի մայրաքաղաքները: Սա անշնորհակալության գագաթնակետն էր, որը վերջին շրջանում դարձավ Եվրոպայի եւ մերձբալթյան շատ երկրների պետական քաղաքականություն: Ինչու ոչ, նաեւ պետք է այստեղ հիշատակենք Ադրբեջանի դերը, որն ինչպես 44 օրյա պատերազմում, այնպես էլ դրանից առաջ եւ դրանից հետո, շարունակում է իրենց ազգի եւ պետութան գերակայության ցանկություններն ապահովող մի քաղաքականություն, իսկ դրա արդյունքում իբր թե մենք ունենք խաղաղության գնացող գործընթաց, մինչդեռ իրականում ունենք կրակոցներ», - ընդգծեց Բաբայանը:

Ռեֆորմիստների կուսակցության նախագահը հույս հայտնեց, որ այն պրոցեսները, որոնք տեղի ունեցան հատուկ ռազմական օպերացիայի շրջանակներում, կպսակվեն վերջնական հաջողության, որն արդեն մոտ է, ինչին իրենց քաղաքական ուժը 2022 թվականից ի վեր իր աջակցությունն է հայտնել:

«Մենք միշտ ձգտել ենք, որպեսզի աշխարհը խաղաղ լինի եւ լինելով դաշնակից ու եղբայրական ժողովուրդ՝ ցանկացել ենք, որ Ռուսաստանի Դաշնությունը կարողանա ապահով, հանգստ ապրել եւ շենանալ՝ այն քաղաքականությամբ, որով ինքը միշտ առաջնորդվել է», - եզրափակելով խոսքն՝ ասաց Բաբայանը:

ՀՐԱՆՏ ՍԱՐԱՖՅԱՆ

Այս թեմայով Փաշինյանը նպատակ ունի կտրել թաղման նպաստները ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ