Այսօր էլ վտանգի տակ է մեր սերունդների ապագան ու մեր hայրենիքի վերջին կտորը. Հայտնի հետաքննող լրագրող

Մեր գործընկեր, հայտնի հետաքննող լրագրող, Newsmedia.am էլ.օրաթերթի հիմնադիր-ղեկավար Գայանե Զարգարյանը անդրադարձել է 1915 թվականի անմեղ զոհերի 110-ամյա հիշատակին, կոչ անելով չշրջել Հայ ազգի պատմության ամենացավոտ էջը, հակառակ պարագայում սերունդների ամոթին ու վրիժառության ենք ականատես լինելու. 

- Մենք երբեք չպետք է անտեսենք մեր պարտականությունը Հայոց ցեղասպանության ճանաչման հարցում, որովհետև այդպիսի մեծ ողբերգությունները մայրենի լեզու չունեն, և երբ այդպիսի ոճրագործություն ես գործում որևէ ժողովրդի հանդեպ, դա բոլոր ժողովուրդների դեմ է։ Աշխարհը դասեր չքաղեց Հայոց ցեղասպանությունից՝ ներառյալ Համիդյան ջարդերը, կամ Ադրբեջանում տեղի ունեցած հայկական կոտորածները, և միայն մինչ օրս աշխարհում տեղի ունեցող ցեղասպանություններն ու կոտորածներն իրապես դատապարտելու դեպքում է հնարավոր այնպես անել, որ այլևս այդպիսի ոճիրները չկրկնվեն։
Ինչպես 1915թ․-ին, ավելի քան մեկ դար անց, Թուրքիայի ղեկավարությունը շարունակում է բացահայտորեն արհամարհել միջազգային հասարակական կարծիքը և պատմական իրողությունը: Թուրքիայի ժխտողականության և արդարացման քաղաքականությունն ու գործողությունները բացահայտորեն հարկադրված են վայրագ հանցագործությունների անպատժելիության դեմ պայքարին, խարխլելով ցեղասպանությունների իրագործման կանխարգելմանն ուղղված միջազգային հանրության համառ ջանքերը։  
1915 թվականը հավերժ դաջված է մեր սրտերում և հոգիներում։ Մենք պարտավոր ենք հիշել մեր պատմությունը, առավել ևս դրանում տեղ գտած ողբերգություններն ու արհավիրքները։ 
Ժամանակակից Թուրքիան, ցավոք, այսօր շարունակելով նախնիների հանցավոր ուղին, ջանում է թաքցնել և խեղաթյուրել իրականությունը` դառնալով մեղսակից 110  տարի առաջ տեղի ունեցած հանցագործության:
Այսօր էլ թուրք-ադրբեջանական տանդեմը, խաղաղասիրության ու մարդասիրության կեղծ քողի ներքո, շարունակում է նախնիների կիսատ թողած գործը:
Այսօր էլ վտանգի տակ է մեր սերունդների ապագան ու մեր hայրենիքի վերջին կտորը:
Մեր դարավոր թշնամու քաղաքականությունն այսօր էլ նույնն է, և նրա ազգակործան երազանքի իրականացմանը խանգարողը մենք պիտի լինենք` առանց թվացյալ խաղաղություն մուրալու:
Թող Աստված լուսավորի բոլոր անմեղ զոհերի ոգիները, ուժ ու կորով տա մեր ժողովրդին

Այս թեմայով Ոչ միայն ճանաչված լրագրող, այլ արժանի բարեկամ. Հայտնի փաստաբանի շնորհավորական ուղերձը «Իրավունքի» հայտնի լրագրողի տարեդարձին Նրան սոցիալապես սպանում են. Լեո Նիկոլյանի առողջական վիճակը ծանր է Արձանագրվել է լրագրողների ու լրատվամիջոցների իրավունքների խախտումների 42 դեպք Կարապետ Պողոսյանին տեղափոխել են Երեւան. Ռուբեն Մելիքյան Մենք արդեն տեսել ենք օրինակներ, թե ինչ հետևանքներ կարող է ունենալ միայն Արևմուտքի աջակցությունը ապավինելը․ Իրանցի հայտնի միջազգայնագետը Թրամփի՝ Փաշինյանին աջակցելու մասին