Երգեց, հուզվեց, հիշեց մորը. Աբրահամ Ռուսսոյի թաց երեկոն Երևանում

ՌԴ վաստակավոր արտիստ, փոփ էստրադային երգիչ ԱԲՐԱՀԱՄ ՌՈՒՍՍՈՆ կրկին Հայաստանում է: Նա համերգային ծրագրով հանդես եկավ իր երկրպագուների համար՝ կատարելով հայտի հիթերը, ինչպես նաեւ հայերենով մի շարք կատարումներ:

Իսկզբանե նախատեսված էր, որ հանդիպումը պետք է լիներ բաղկացած մի քանի մասերից։ Նախ տեղի ունեցավ նորաձեւության ցուցադրություն, որի ժամանակ ներկայացվեց դիզայներ Նաիրա Հարությունյանի հավաքածուն։ Իսկ երկրորդ մասում թեպետ նախատեսված էր, որ հանդիսատեսը պետք է Աբրահամ Ռուսսոյի հետ երկխոսություն եւ քննարկում ունենար՝ կապված երգչի արդեն լույս տեսած գրքերի շուրջ, սակայն հորդառատ անձրեւի պատճառով, ծրագրի այս հատվածն անցավ բավականին արագ, քանի որ միջոցառումը տեղի էր ունենում բացօթյա տարածքում:

Երեկոյի երրորդ հատվածում ներկաները հնարավորություն ունեցան վայելելու Աբրահամ Ռուսսոյի կատարմամբ հայտնի ու սիրված երգեր։ Միջոցառմանը ներկա էր ՀՀ ժողովրդական արտիստ, երգիչ Ռուբեն Մաթեւոսյանը, Աշխարհի չեմպիոն, Եվրոպայի կրկնակի չեմպիոն Նազիկ Ավդալյանը, շոու բիզնեսի ներկայացուցչներ:

Երգիչը չափազանց երջանիկ հայերենով իր ողջույնի խոսքը ուղղեց հանդիսատեսին եւ նույնիսկ հուզմունքով պատմեց մոր մասին:

«Նախ թույլ տվեք շնորհավորել մեր բոլորի անցած Սուրբ Զատիկը: Ես շատ ուրախ եմ, որ կրկին իմ սիրելի Հայաստանում եմ: Մայրս, ում անունը Մարինա էր, ցավոք, հունվար ամսին մահացավ, եւ ես նրան հայրենի հողում հուղարկավորեցի: Անչափ հպարտ եմ եւ հուզված, տեսնելով այսքան գեղեցիկ երկրպագուներ իմ շատ սիրելի Երեւանում: Ես ամենուր հպարտությամբ եմ խոսում մեր ազգի եւ նրա մշակույթի մասին՝ պատմելով, որ այն դարեր ի վեր մնացել է անսասան»,- ասաց երգիչը:

Ողջ երեկոյի ընթացքում ՌԴ արտիստը հայ հանդիսատեսի հետ շփվում էր հայերեն եւ հարցերին պատասխանում հայալեզու: Երեկոն վարեց դերասանուհի Անահիտ Կիրակոսյանը, ով Ռուսսոյի հետ հավասար կատարում էր նրա ստեղծագործությունները եւ, անկախ եղանակից, պարում եւ ուրախանում էր հանդիսատեսի հետ միասին:

ՆԱՆԱ ՍԱՐԳՍՅԱՆ

Այս թեմայով «Աբրահամ Լինքոլն» ավիակիրը 9-ամսյա տեղակայումից հետո լքում է Մերձավոր Արևելքը․ ԶԼՄ Բռնցքամարտի աշխարհի բազմակի չեմպիոն Արթուր Աբրահամը պսակադրվել է «Աբրահամ Լինքոլն» ավիակրի 5000 նավաստիների ընտանիքները բողոքում են իրենց հարազատների վիճակից ԱՆՎԱՆԻ ԲՌՆՑՔԱՄԱՐՏԻԿ ԱՐԹՈՒՐ ԱԲՐԱՀԱՄԸ, ՄԱՍԻՍՈՒՄ ՄԱՍՆԱԿՑԵԼ Է ՄԱՐԶԱՄՇԱԿՈՒԹԱՅԻՆ ԱԿՈՒՄԲԻ ԲԱՑՄԱՆԸ Հեռացող տիրադավ Աբրահամ Սրբազանը հրաժեշտի նամակ է հրապարակել