Ո՞ր խաղում Մխիթարյանը կլինի դաշտում և որը բաց կթողնի որակազրկման պատճառով

«Ինտերի» կիսապաշտպան Հենրիխ Մխիթարյանը և պաշտպան Ալեսանդրո Բաստոնին մեկնարկային կազմում են լինելու «Միլանի» դեմ Իտալիայի գավաթի կիսաեզրափակիչ պատասխան խաղում, գրում է Gazzetta dello Sport-ը:

Հայ և իտալացի ֆուտբոլիստները դեղին քարտեր են ստացել «Բոլոնյայի» դեմ Ա սերիայի 33-րդ տուրի խաղում (0:1), ինչի պատճառով որակազրկվել են և չեն մասնակցի «Ռոմայի» դեմ 34-րդ տուրի մրցավեճին:

«Ինտերն» այսօր պետք է նախախաղային ասուլիս անցկացներ, սակայն այն չեղարկվել է Հռոմի Պապ Ֆրանցիսկոսի մահվան պատճառով:

Այդուհանդերձ, լրագրողները կարողացել են տեղեկանալ, որ Մխիթարյանը և Բաստոնին մեկնարկային կազմում են լինելու, իսկ շաբաթ օրն այդ դիրքերում այլ ֆուտբոլիստներ դուրս կգան խաղադաշտ:

Իտալիայի գավաթի կիսաեզրափակիչ առաջին մրցավեճում գրանցվել է 1:1 հաշիվը: Միլանյան դերբիի պատասխան հանդիպումը կկայանա ապրիլի 23-ին:

Այս թեմայով Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս Կիվուն խոսել է Մխիթարյանի մեկնարկային կազմ վերադարձի մասին «Ինտերի» մեկնարկային կազմը «Ուդինեզեի» դեմ խաղում ՉԼ. «Ռեալի» և «Ինտերի» մեկնարկային կազմերը Սնեյդերը թերագնահատել է «Ինտերի» ներկայիս ֆուտբոլիստների տաղանդը