Ուկրաինան պատրաստ է հրաժարվել տարածքի 20 տոկոսից․ NYP

Ուկրաինան պատրաստ է հրաժարվել տարածքի 20 տոկոսից, քանի դեռ դրանք կհամարվեն դե ֆակտո ճանաչված, այլ ոչ թե դե յուրե։ Այս մասին հայտնում է The New York Post թերթը՝ վկայակոչելով ամերիկացի պաշտոնյային։

«Դե ֆակտո նշանակում է, որ մենք ճանաչում ենք այդ հողերը Ռուսաստանին, բայց մենք չենք ասում, որ Ուկրաինան պատրաստվում է դրանք ընդմիշտ հանձնել։ Դե յուրե նշանակում է, որ մենք նույնպես ճանաչում ենք Ռուսաստանի տարածքը, բայց մենք այլևս չենք խոսում հողերի վերադարձի մասին»,-պարզաբանել է պարբերականի աղբյուրը։

Բարձրաստիճան պաշտոնյան նաև հայտնել է, որ Ուկրաինայի պաշտպանության նախարար Ռուստեմ Ումերովը «հասկացրել է», որ Ուկրաինան մոտ «90 տոկոսով» աջակցում է հակամարտության կարգավորման ԱՄՆ-ի առաջարկած ծրագրին, որը քննարկվել է Փարիզում կայացած հանդիպման ժամանակ: Սակայն, ինչպես նշում է պարբերականը, պաշտպանական գերատեսչության ղեկավարը հերքել է այդ հայտարարությունը՝ նշելով, որ նախարարությունը «քաղաքական որոշումներ չի կայացնում»:

Այս թեմայով Պուտինը պատրաստ է Ուկրաինայի հետ երկկողմ բանակցություններ վարել․ Կրեմլ Ադրբեջանը Վարշավայում կազմակերպել է հայկական մշակութային ժառանգության և ՀՀ տարածքի յուրացմանն ուղղված ցուցահանդես Ռուսաստանը և Ուկրաինան կարող են համաձայնության գալ առաջիկա շաբաթ. Թրամփ Ուկրաինան պետք է պատրաստ լինի տարածքային զիջումների. Լորդերի պալատի անդամ ԱՄՆ պետքարտուղարը ՆԱՏՕ-ի գլխավոր քարտուղարին հայտնել է, որ ԱՄՆ-ը կարող է հրաժարվել ուկրաինական հարցով միջնորդությունից