Սպառնալիքներ, հրմշտոց․ Գյումրիում մարզիչ է ձերբակալվել. Aravot.am

Aravot.am-ի տեղեկություններով՝ ապրիլի 18-ին ձերբակալվել է Գյումրու «Լյուդվիգ Մնացականյանի անվան ձմեռային մարզաձևերի մանկապատանեկան մարզադպրոցի» 70-ամյա մարզիչ Ս․Ս․-ն։

Այդ օրը՝ ժամը 14․25 սահմաններում, 24-ամյա Ա․Ռ․-ն, որը Գյումրու բուհերից մեկի ուսանողուհի է, հաղորդում է ներկայացրել ոստիկանություն՝ բողոքելով, թե իր նախկին մարզիչ Ս․Ս․-ն հունվար ամսից մինչև օրս Գյումրի քաղաքի տարբեր վայրերում պարբերաբար հանդիպելով իրեն՝ պահանջել է հետ վերադառնալ մարզումների, սակայն, ըստ բողոքավորի, մերժում ստանալով՝ մարզիչը սեռական բնույթի հայհոյանքներ է հնչեցրել, սպառնացել, որ կսպանի իրեն կամ կգցի ավտոմեքենայի տակ։ Եվ մինչև ոստիկանությունը կազմված փաստաթղթերն ուղարկում էր Շիրակի մարզային քննչական վարչություն, երկու ժամ անց՝ 16․29-ի սահմաններում, Գյումրի բժշկական կենտրոնից ՀՀ ՆԳՆ ոստիկանության Շիրակի մարզի օպերատիվ կառավարման կենտրոն հաղորդում է ստացվել, որ «Ձախից մեծ ոլոքի միջային կոճի փակ ներհրված կոտրվածք՝ բեկորների տեղաշարժով» ախտորոշմամբ շտապօգնության խումբը հիվանդանոց է տեղափոխել 66-ամյա Ս․Խ․-ին։ Թոշակառու այս կինը ոստիկաններին հայտնել է, որ վնասվածք ստացել է իր տնակում՝ վիճաբանության ժամանակ՝ վայր ընկնելու հետևանքով։ Նա նշել է, որ «Լյուդվիգ Մնացականյանի անվան ձմեռային մարզաձևերի մանկապատանեկան մարզադպրոցի» մարզիչ Ս․Ս․-ն առանց պատճառաբանության սեռական բնույթի հայհոյանքներ է հնչեցրել թոռան և դստեր հասցեին, որը նյարդայնացրել է իրեն, ինքը հրել է մարզիչին, մարզիչն էլ՝ իրեն, արդյունքում վայր է ընկել ու ստացել վնասվածք։

Այս թեմայով Ձերբակալվել են մի շարք անձինք, այդ թվում՝ Աբովյանի համայնքապետարանի պաշտոնյաներ Ձերբակալվել են օրենքով գողեր «Օշականցի Գևորիկը» ու «Զապը»՝ Անդրանիկ Սողոյանը․ ArmLur Հայտնի է Գյումրիում տեղի ունեցած ողբերգության մասնակիցների ինքնությունը. նրանցից մեկը ծառայում է ՀՀ-ում տեղակայված ՌԴ զորամասում Վիճաբանություն, դանակահարություն ու սպանություն Գյումրիում. տուժածները հայր ու որդի են, մահացել է որդին ՀՀ հակակառուպցիոն կոմիտեից հաստատում են՝ ձերբակալվել է Մեղրիի համայնքապետը եւ եւս 8 անձ