Ծանրամարտի ԵԱ. Հայաստանի վերջին երեք ներկայացուցիչները

Մոլդովայի մայրաքաղաք Քիշնեւում ավարտվող Եվրոպայի առաջնության վերջին օրը Հայաստանը կունենա 3 ներկայացուցիչ:

Տղամարդկանց +109 կգ քաշայինների պայքարում մրցահարթակ դուրս կգա Վարազդատ Լալայանը։

Այս քաշային կարգում տիտղոսի համար կմրցի 10 ծանրորդ: Ֆավորիտը Վարազդատ Լալայանն է: Նախնական հայտը երկամարտում 450 կգ է:

Տղամարդկանց +109 կգ քաշայինների A խմբի պայքարը կմեկնարկի Երեւանի ժամանակով 17:00-ին:

Կանանց +87 կգ քաշայիների A խմբում մրցահարթակ դուրս կգան Ջուլիետա Ավանեսյանը եւ Մերի Թումասյանը: Այս քաշային կարգում տիտղոսի համար կպայքարի 10 ծանրորդ: Ջուլիետա Ավանեսյանի նախնական հայտը երկամարտում 225 կգ է, Մերի Թումասյանը հայտավորվել է 215 կգ-ով:

Կանանց +87 կգ քաշայինների պայքարը կմեկնարկի Երեւանի ժամանակով 14:00-ին:

Եվրոպայի առաջնությունում Հայաստանի թիմն արդեն նվաճել է երկամարտի 9 մեդալ՝ 1 ոսկի, 6 արծաթ, 2 բրոնզ:

Այս թեմայով Ծանրամարտի Հայաստանի հավաքականի նոր համազգեստը ոճային և ինքնատիպ Ծանրամարտի ԵԱ. Հայաստանն այսօր ունի երկու ներկայացուցիչ Ծանրամարտի ԵԱ. Լիանա Գյուրջյանը` ոսկե մեդալակիր Ծանրամարտի ԵԱ. Էմմա Պողոսյանը` ոսկե մեդալակիր Ծանրամարտի ԵԱ. Վնասվածքի պատճառով Սուրեն Գրիգորյանը չշարունակեց պայքարը