Սպասում եմ Հայկ Բաբուխանյանին Գյումրիում․ Վարդան Ղուկասյանը արձագանքում է

Իր ընտրվելու օրը` ապրիլի 16-ին, Գյումրու նորընտիր քաղաքապետ Վարդան Ղուկասյանը  հայտարարեց, որ  ճիշտ է համարում, որպեսզի Հայաստանը Բելառուսի օրինակով  Միութենական պետություն կազմի Ռուսաստանի հետ: Այս հայտարարության  մեկնաբանության խնդրանքով «Իրավունքը» դիմել էր  «Ուժեղ Հայաստանը Ռուսաստանի հետ. հանուն նոր Միության» Շարժման  համակարգող, ՍԻՄ կուսակցության նախագահ Հայկ Բաբուխանյանին, ով նշել էր․

-  Նախ շնորավորում եմ պարոն Ղուկասյանին  այդ հաղթանակի կապակցությամբ եւ իր Գյումրու քաղաքապետ  ընտրվելը համարում եմ ամբողջ  ընդդիմության հաղթանակը: Մեզ համար նաեւ ուրախալի է, որ  Վարդան Ղուկասյանը առաջադրվել է Կոմունիստական կուսակցությունից, որը մեր Շարժման գործընկեր կուսակցությունն է: Ինչ վերաբերում է իր հայտարարությանը, ապա Հայաստանը Ռուսաստան-Բելառուս Միութենական պետության լիիրավ անդամ դարձնելը մեր Շարժման  պաշտոնապես հայտարարված  ծրագիրն է եւ մենք ուրախ ենք, որ այդ գաղափարը ավելի ու ավելի է տարածվում մեր հասարակության  մեջ եւ  Գյումրու նորընտիր քաղաքապետը նույնպես կողմնակից է դրան: Մենք հույս ունենք, որ Գյումրին  իր նորընտիր քաղաքապետի առաջնորդությամբ  կդառնա այն կենտրոններից մեկը, որտեղից  Հայաստանը Միութենական պետության մեջ անդամակցելու գաղափարը  իր հաղթական արշավը կունենա ամբողջ Հայաստանով մեկ: Մենք հույս ունենք, որ մոտակա ժամանակներս  կձեւավորվի ակտիվ համագործակցություն մեր Շարժման եւ Գյումրու քաղաքապետի ու ավագանու միջեւ եւ մենք կանցկացնենք Գյումրիում Հայաստանի ապագայի վերաբերյալ կոնֆերանսներ, կլոր սեղաններ եւ այլ միջոցառումներ: Եկել է ժամանակը, որ մեր ժողովրդի  հայրենասեր, առաջադեմ եւ գիտակից հատվածը ստանձնի պատասխանատվություն եւ իր ձեռքը վերցնի  մեր երկրի  ապագան կառուցելու կարեւորագույն  գործընթացը: Եվ կարծես թե այդ գործընթացը կարող է մեկնարկել Գյումրիից, ինչը նաեւ պատմականորեն  հիմնավորված է:

«Ուժեղ Հայաստանը Ռուսաստանի հետ. հանուն նոր Միության» Շարժման  համակարգող, ՍԻՄ կուսակցության նախագահ Հայկ Բաբուխանյանի շնորհավորական ուղերձին արձագանքել է Գյումրու քաղաքապետ Վարդան Ղուկասյանը․

-Շնորհակալ ենք, զգացված ենք, մեծ սիրով Գյումրիում սպասում եմ Հայկ Բաբուխանյանին։

Այս թեմայով Նորից սաղին իրար գլուխ հավաքեմ, որ «в случае чего»... Փեսեքին օդերով է հանել Վարդան Ղուկասյանին նորից հիվանդանոց են տեղափոխել Գյումրու քաղաքապետ Վարդան Ղուկասյանի ընտանիքի կին անդամներին քաղաքական դրդապատճառներով ահաբեկել են. Փոստանջյան Բացեք իմ ինքնակենսագրականը, այնտեղ գրված է՝ մաքուր, ճիշտ, «պարյադչնի» տղա. Վարդան Ղուկասյան