Նրանց քաղաքական ժառանգությունը հողերի հանձնման ու պատերազմի էջն է․ Հենրիխ Դանիելյան

ՀՀԿ երիտասարդական կազմակերպության ղեկավար Հենրիխ Դանիելյանի ֆեյսբուքյան գրառումը. «Փաստացի, Նիկոլ Փաշինյանի և ՔՊ իշխանության «կրկնակապիտուլյացիայի» ճանապարհային քարտեզին այսօր առաջարկվում է հստակ և կառուցվածքային այլընտրանք՝ իրական հայկական ապագայի մոդել, որը ներկայացնում է ՀՀ երրորդ նախագահ Սերժ Սարգսյանը՝ իր արժեքային համակարգով, պետականակենտրոն մոտեցմամբ և ազգային անվտանգության շուրջ ձևավորվող գործողություններով։
Սա առաջին անգամ է, երբ որևէ քաղաքական ուժ հանրությունից չի պահանջում կույր և անվերապահ վստահություն, այլ՝ առաջարկում է համախմբվել համերաշխության մթնոլորտում՝ հանուն պետության վերականգնման, անվտանգության և արժանապատիվ ապագայի կերտման։

Հ․Գ․ Սերժ Սարգսյանի ուղերձից ցնցումների մեջ են ընկել Արման Բաբաջանյաններն ու Ռուբինյան-Ալենները։ Դա բնական է. երբ ազգային ինքնության պահպանումը, բանակի վերականգնումը, անվտանգության ապահովումը և պետական դիվանագիտության վերակազմակերպումը վերածվում են քաղաքական օրակարգի՝ այդ արժեքները դառնում են անհանդուրժելի բոլոր նրանց համար, ում մտածողության և գործունեության հիմքում դրված են թշնամանքի, պարտվողականության և պետականության կազմաքանդման մեխանիզմները։

Ըստ էության՝ այս ամենի հետ Նիկոլ Փաշինյանն ու նրա վարչակարգը բացարձակապես որևէ առնչություն չունեն։

Նրանց թողած քաղաքական ժառանգությունը հողերի հանձնման, կապիտուլյացիայի և պատերազմի էջն է։ Խաղաղությունը, համազգային համերաշխությունը, ինքնիշխանությունն ու անվտանգությունը երբեք չեն եղել նրանց նպատակը։

Այսինքն՝ առաջարկվող մոդելն այլընտրանք է ոչ միայն ծրագրային, այլ՝ արժեհամակարգային առումով։ Եվ որքան շուտ մենք հասկանանք այդ տարբերությունը, այնքան շուտ կսկսվի իրական ապագայի կերտումը»:

Այս թեմայով Խաղաղ, միասնական, համախմբված և ներդաշնակ Հայաստանը լինելու է. Դանիելյան Քրիստոսի հարությունը վկայում է՝ կա ճանապարհ, կա հավատ եւ կա հաղթանակ. Դանիելյան Անընդունելի բարքերին մենք միասին պետք է վերջ տանք. Դանիելյան Պարոն Մարուքյան, իսկ որտե՞ղ էիք դուք, երբ Նիկոլ Փաշինյանն ու ՔՊ-ն պետականորեն իրականացնում էին արշավներ Հայ Առաքելական Եկեղեցու և Վեհափառ Հայրապետի դեմ. Դանիելյան Օպերացիան ձախողվեց. Հենրիխ Դանիելյան