Ծանրամարտի ԵԱ. Հայաստանն այսօր ունի երեք ներկայացուցիչ

Մոլդովայի մայրաքաղաք Քիշնեւում անցկացվող ծանրամարտի Եվրոպայի առաջնությունում ապրիլի 18-ին Հայաստանն ունի 3 ներկայացուցիչ: Կանանց 76 կգ քաշային կարգում մրցահարթակ դուրս կգան Աննա Ամրոյանը եւ Միլենա Խաչատրյանը, տղամարդկանց 89 կգ քաշայինների պայքարում Մնացական Աբրահամյանը:

Առաջինը մրցահարթակում կլինի Մնացական Աբրահամյանը:

Տղամարդկանց 89 կգ քաշային կարգում տիտղոսի համար կպայքարի 8 ծանրորդ: Մնացականյան Աբրահամյանի նախնական հայտը երկամարտում 365 կգ է:

Տղամարդկանց 89 կգ քաշայինների A խմբի պայքարը կմեկնարկի Երեւանի ժամանակով 17:00-ին:

Երեկոյան մրցահերթում կանանց 76 կգ քաշային կարգում կմրցեն Աննա Ամրոյանը եւ Միլենա Խաչատրյանը:

Կանանց 76 կգ քաշային կարգում մեդալների համար կմրցի 11 ծանրորդ: Հայաստանի երկու ներկայացուցիչների նախնական հայտը երկամարտում 230 կգ է:

Կանանց 76 կգ քաշայինների A խմբի պայքարը կմեկնարկի Երեւանի ժամանակով 20:00-ին:

Այս թեմայով Ծանրամարտի Հայաստանի հավաքականի նոր համազգեստը ոճային և ինքնատիպ Ծանրամարտի ԵԱ. Հայաստանն այսօր ունի երկու ներկայացուցիչ Ծանրամարտի ԵԱ. Լիանա Գյուրջյանը` ոսկե մեդալակիր Ծանրամարտի ԵԱ. Էմմա Պողոսյանը` ոսկե մեդալակիր Ծանրամարտի ԵԱ. Վնասվածքի պատճառով Սուրեն Գրիգորյանը չշարունակեց պայքարը