«Ադրբեջանի արևմտյան շրջանների և Նախիջևանի միջև կապը պիտի անարգել լինի»․ Բայրամով

Բաքուն Երևանից պահանջում է «անարգել մուտք գործել» Նախիջևան. այս միտքը հնչեցրել է Ադրբեջանի արտաքին գործերի նախարարության ղեկավար Ջեյհուն Բայրամովը Սլովենիայի արտաքին գործերի նախարար Տանյա Ֆաջոնի հետ համատեղ ասուլիսում։

Ըստ ադրբեջանական լրատվամիջոցների, նա նշել է, որ խաղաղ համաձայնագրի տեքստի վրա աշխատանքն ավարտվել է մարտին, և «Ադրբեջանը հնարավորություն ունի ևս մեկ անգամ Հայաստանի հետ քննարկել գործընթացի վերջնական ավարտի իր օրինական ակնկալիքները»։

«Ես նշեցի Հայաստանի Սահմանադրությամբ Ադրբեջանի նկատմամբ տարածքային պահանջների վերացման անհրաժեշտությունը, ինչպես նաև Մինսկի խմբի վերացումը։ Դելիմիտացիոն գործընթացն ընթանում է, սակայն հաղորդակցությունների բացման հարցը դեռևս չլուծված է։ Մտքերի փոխանակում է տեղի ունեցել նաև այն մասին, որ Նախիջևանի անարգել մուտքը դեռ ապահովված չէ։ Այս գործընթացների ամենալուրջ խնդիրներից»,- ասել է Բայրամովը։

Այսինքն՝ ըստ էության, համաձայնեցնելով պայմանագրի տեքստը՝ Բաքուն որոշեց նոր պահանջներ առաջ քաշել։ Դա, ըստ մի շարք փորձագետների, արվում է խաղաղ պայմանագրի ստորագրումից ընդհանրապես խուսափելու համար։

Այս թեմայով Վթարային ջրանջատում կլինի Երևանի Դավթաշեն վարչական շրջանում Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ