Նիկոլը Հայաստանից սարքում է Գետտո

Խորհրդարանը երեկ մերժեց ԱԺ նիստերի օրակարգում ներառել ընդդիմության ներկայացրած նախագիծը՝ ՀՀ հարկային օրենսգրքում փոփոխություններ եւ լրացումներ կատարելու մասին։ Առաջարկը վերաբերում էր ֆիզիկական անձանց եկամուտների համընդհանուր հայտարարագրման համակարգի փուլային ներդրմանը: Նախաձեռնությամբ առաջարկվում էր վերացնել փուլային եղանակով ներդրվող՝ քաղաքացիների տարեկան եկամուտների համընդհանուր հայտարարագրման օրենքով սահմանված պահանջը եւ դրանից բխող վարչական պատասխանատվությունը:

«Կեղծ են պնդումները, որ այդ համակարգը կապված է սոցիալական վճարների ետ վերադարձի հետ։ Եթե կա նման նպատակ, ինչո՞ւ եք կապում հայտարարագրման հետ, ի վերջո, հայտարարագիր չներկայացնող քաղաքացիները տարիներ շարունակ հիփոթեքային վարկի տոկոսների փոխհատուցում էին ստանում՝ առանց հայտարարագրման»,- ԱԺ ամբիոնից հայտարարեց նախագիծը հեղինակած ԱԺ «Հայաստան» խմբակցության պատգամավոր Թադեւոս Ավետիսյանը՝ հավելելով, որ նախագծի հիմնական նպատակը «ՀՀ հպարտ քաղաքացիներին տուգանքի «մատերիալ» դարձնելն է»։ Իսկ նույն խմբակցության պատգամավոր Արթուր Խաչատրյանն արձանագրեց, որ համընդհանուր հայտարարագրումը սոցիալական պաշտպանության ապահովման հետ կապ չունի. «Սա քերելու մշակույթը ամրապնդելուն միտված օրենք է»:

Իսկ Նիկոլ Փաշինյանը եկավ խորհրդարան, ամբիոնի մոտ պարեց ու գոռգոռաց, խաղաց հերթական մոնոներկայացումն ու ասաց. «Այո՛, բյուջե ենք լցնում, լցրել ենք, լցնելու ենք, որովհետեւ ասում եմ՝ քաղաքացին պետք է հասկանա, որ բյուջեի թիվն իր բարեկեցությունն է»: Բայց հաստա՞տ քաղաքացու բարեկեցությունն է, որովհետեւ վերջին 7 տարիներին միայն ՔՊ-ականների բարեկեցությունն է բոլորի աչքի առաջ բարելավվում ու բարգավաճում, թեպետ հոգու խորքում մնացել են նույն պարտքով գարեջուր խմողները:

Փաշինյան Նիկոլը Հայաստանից սարքում է Գետտո, գեստապոական մեթոդներով կոնցլագեր, որտեղ հարկատուն հերոս է, միայն թե` հետմահու, որովհետեւ հարկերի, տուրքերի ու վարկերի տակ ճկռած՝ մեռած է, բայց թաղած չէ:

ՀԱՐԿԱՏՈՒՆ ՔՈ ՕԼԻԳԱՐԽՆԵՐՆ ԵՆ, ԳՆԱ՛ ՆՐԱՆՑԻՑ ՀԱՎԱՔԻ

Համեմատության համար նշենք, որ Ռուսաստանում ամեն կես տարին մեկ բարձրանում են թոշակներն ու նպաստները, երկրորդ, երրորդ երեխա ունեցողներին տրվում է լուրջ գումար (հիմա նաեւ առաջնեկների համար): Այսինքն՝ անընդատ պետությունը փորձում է օգնած լինել իր ժողովրդին: Նույնը Միացյալ Նահանգներում է, նախագահ Թրամփը հայտարարել է, որ եթե մարդը տարեկան 150 հազար դոլարից ցածր եկամուտ է ստանում, ուրեմն՝ հարկ չպետք է տա, որովհետեւ հազիվ կարողանա կազմակերպել իր կյանքը: Իսկ սա նշանակում է ամսական 11-12 հազար դոլար աշխատավարձ: Մինչդեռ այդքան աշխատավարձ ստացողին դժվար է աղքատ համարել:

«Հարկը պետք է վերցնել հարուստից եւ տալ աղքատին, սա պետք է լինի պետական, սոցիալական քաղաքականությունը: Իսկ Հայաստանի հանրապետությունը սոցիալական պետություն է: Ի դեպ, եթե Նիկոլը չգիտի, ասենք, որ Սահմանադրությամբ է սահմանված: Շեշտում եմ՝ պետությունը պետք է հարուստից վերցնի հարկեր եւ բաժանի սոցիալապես անապահով խմբերին՝ ծերերին, հիվանդներին, հաշմանդամներին, բազմազավակ ընտանիքներին, ինչպես նաեւ գումարներ հատկացնի բանակին, դպրոցներին եւ այլն: Իսկ Նիկոլն ուզում է հակառակն անել: Մարդիկ չգիտեն՝ ինչպես օրվա հացն առնեն, ասում է ՝ գնա լրացրու հայտարարագիր, տեսնենք՝ քո փողը որտեղի՞ց է: Նիկո՛լ, հարկատուն քո օլիգարխներն են, ղժղժալու փոխարեն՝ գնա նրանցից հարկեր հավաքի, մի հատ լավ թափ տուր», - ասում է «Ուժեղ Հայաստան Ռուսաստանի հետ. հանուն նոր Միության» շարժման համակարգող, ՍԻՄ կուսակցության նախագահ Հայկ Բաբուխանյանը:

ԻՐՈՔ ԽԵԼԱԳԱՐՎԵԼ ԿԱՐԵԼԻ Է՝ ՎԱՅ ՄԱՄԱ ՋԱՆ, ԷՍ ՈՒՐ ԵՆՔ ԸՆԿԵԼ…

Փաստացի, ամեն ինչ արվում է, որպեսզի «Արեւմտյան Ադրբեջանի» կոնցեպցիան դառնա իրականություն: Գուցե, Հայաստանի Հանրապետություն տերմինը շարունակի մնալ, բայց մեր երկրի էությունը փորձում են դարձնել ադրբեջանական: Որովհետեւ այսպես շարունակվելու դեպքում՝ վաղը Հայաստանում ապրելու են ադրբեջանցիները, իսկ հայերը թողնելու են, փախչեն:

Ու ամենասարսափելին այն է, որ փախչողներին էլ մեղադրելու չէ: Եթե պետք է մենք մեր հայրենիքում Հայոց ցեղասպանության հիշողությունը մոռանանք, Արցախի կորստի հետ համակերպվենք, մեր հերոսների թափած արյունն ուրանանք, յուրաքանչյուր ամիս էլ գրենք մինչեւ վերջին կոպեկը, թե մեր ծնունդին ու հարսանիքին, ով ինչ է նվեր տվել, որպեսզի դրանից Փաշինյան Նիկոլին հարկ տանք, իսկ նիկոլականները մեր փողերով զվռնեն արտասահմաններում, էլ ի՞նչ հայրենիք… Մի հարցում ճիշտ է Նիկոլ Փաշինյանը՝ ուղղակի խելագարվել կարելի է:

ԻՐԱՎՈՒՆՔ ՉՈՒՆԵՆՔ ՀՈՒՍԱՀԱՏՎԵԼՈՒ

Ի հեճուկս այս ամենի՝ ՀՀ երրրորդ նախագահ Սերժ Սարգսյանը կուսակիցներին կոչ է անում խոստանալ միմյանց եւ ժողովրդին, որ պատվախնդրությամբ եւ հավատով հաղթահարելու են իրենց սերնդին բաժին հասած այս փորձությունը եւս, որքան էլ այն ծանր լինի:

«Մենք իրավունք չունենք հուսահատվելու, հոգնելու, առավել եւս՝ ապրելու մեր սովորական, բնականոն կյանքով, քանի դեռ մեր երկրի ու ժողովրդի համար գոյաբանական վտանգը չենք չեզոքացրել հետեւողական, համառ, ծանր աշխատանքի արդյունքում: Ոչ մի ժողովուրդ, առանց այս ճանապարհն անցնելու, հաջողության չի հասել», - շեշտել է Սերժ Սարգսյանը՝ ՀՀԿ հիմնադրման 35-ամյակին նվիրված հոբելյանական նիստի ժամանակ:

ՀՀ երրորդ նախագահն իր ծավալուն ելույթում ամրագրեց առաջիկա պայքարի կարեւոր թեզերն ու քայլերը՝ վերահաստատելով, որ կապիտուլյանտ իշխանությունը պետք է հեռանա. «Ես եւ իմ գլխավորած քաղաքական ուժը՝ ՀՀԿ-ն, հայտարարել ենք մեր պետությունը կործանման տանող միակ թիրախի եւ դրա դեմ պայքարելու անփոփոխ որոշման մասին: Եվ դա ուժի մեջ է լինելու մինչեւ այդ նպատակին հասնելը»:

Ըստ Սերժ Սարգսյանի` սա պայքար է պետականության կործանման դեմ. «Ճգնաժամային իրավիճակները պահանջում են դրանց հաղթահարման համապատասխան լուծումներ, եւ, բնականաբար, նման իրավիճակում պատկերացնել, որ հայ ժողովրդի համար գոյաբանական նշանակության խնդիրներում երկխոսությունը պիտի իրականացվի լեգիտիմությունը կորցրած իշխանության հետ, առավել քան անընդունելի է, ավելին՝ նման գործելաոճը որեւէ դրական արդյունքի չի հասցնի»:

Եվ ահա փաստարկված ելույթից հետո կատարյալ հիստերիա է սկսվել ոչ միայն իշխանականների շրջանում ու նրանց գրպանային ուժերի, այլեւ` որոշ պսեվդո ընդդիմադիրների: Ուրեմն՝ ասվածն ուղիղ նշանակետին էր, պետականության կործանման դեմ պայքարն այլընտրանք չունի:

ՀՐԱՆՏ ՍԱՐԱՖՅԱՆ

Այս թեմայով Աննա-նիկոլական արշավանքները Հայաստանում Փաշինյանի հիստերիկ ելույթը պահի ազդեցության պոռթկում չէր. ԲԱՄԲԱՍԱՆՔ Սերժ Սարգսյանի դեմ նոր քրեական հետապնդում է սկսվում Հայաստանում հայտարարագիր ներկայացնելու ժամկետը երկարաձգվեց մինչև նոյեմբերի 1-ը (տեսանյութ) ԻՐԱՎՈՒՆՔ. Իրա նման «крепкий орешек»-ների ենք «ջարդել» ոնց մեզ պետք է. Փաշինյանը հանգստացրել է թիմակիցներին