Ինչպե՞ս ստանալ աջակցություն, եթե ձեր վարկը դասակարգված է անհուսալի

«Եթե ունեք անհուսալի դասով դասակարգված վարկեր, ապա՝

ՔԱՅԼ 1։ Ստուգեք, որ Ձեզ վարկ տրամադրած բանկը կամ վարկային կազմակերպությունը լիցենզավորված է Կենտրոնական բանկի կողմից։

(հղում՝ https://www.cba.am/am/SitePages/fscfobanks.aspx )։

ՔԱՅԼ 2։ Համոզվեք, որ Ձեր ունեցած բոլոր վարկերի մայր գումարների հանրագումարը փոքր է 1 մլն դրամից, և այդ վարկերը դասակարգված են անհուսալի դասով առնվազն 3 տարի։  

ՔԱՅԼ 3։ Գրանցված աշխատանք ունենալու դեպքում՝ մուտք գործեք https://e-social.am/services  հարթակ, սեղմեք «Կյանքի դժվարին իրավիճակ» պատուհանի վրա և ընտրեք «Անհուսալի վարկերի միջոցառում» դաշտը։ Ձեր տվյալների նույնականացման համար համակարգը Ձեզ կառաջարկի ընտրել «Բջջային նույնականացման քարտ» (mID) կամ «Նույնականացման քարտ» տարբերակներից որևէ մեկը։

«Բջջային նույնականացման քարտ» (mID) տարբերակն ընտրելու դեպքում անհրաժեշտ է մուտքագրել Ձեր հեռախոսահամարը և սեղմելով «Մուտք» դաշտի վրա՝ ստանալ ստորագրման PIN գաղտնաբառը։ «Նույնականացման քարտ» տարբերակի դեպքում՝ անհրաժեշտ է նույնականացման քարտը տեղադրել ընթերցող սարքի մեջ, սեղմել «Մուտք» դաշտի վրա, հավաքել մուտքի PIN գաղտնաբառը և մուտքագրել պահանջվող տեղեկատվությունը։

Ծրագրի շահառու դառնալու դեպքում Ձեր աշխատավարձից հարկվող եկամտահարկը կուղղվի Ձեր անհուսալի վարկերի մարմանը․ այն կտրամադրվի առավելագույնը 24 ամիս ժամկետով` սկսած շահառու դառնալուն հաջորդող ամսվա 1-ից։  Ձեր աշխատավարձից վարկի սպասարկման համար բռնագանձվող գումարի չափը կսահմանվի 20%՝ 24 ամիս ժամկետով (այժմ սահմանված մինչև 50%-ի փոխարեն)»,- ասված է հաղորդագրությունում։

Այս թեմայով Թրամփ. ԱՄՆ-ն այլևս ռազմական աջակցություն չի ցուցաբերի Ուկրաինային «Փաստ». Իշխանությունները նվազագույն աջակցություն են վայելում. ի՞նչ կարող է անել ընդդիմությունը Որ դեպքում անձը կարող է ստանալ կուտակային կենսաթոշակային հաշվի գումարը՝ նախքան թոշակի անցնելը. Նոր փոփոխություններ Թող որ միշտ լսեք երախտագիտության ու գոհունակության խոսքեր.«Աստղիկ» բկ-ի տնօրենի տարեդարձն է այսօր Վարդանիկին միացավ Թեւանյանի թեկնածուն. Գյումրիում կրքերը եռում են