Հայաստանը պատրաստ է հենց վաղն ունենալ լիովին կարգավորված հարաբերություններ Թուրքիայի հետ․ Ռուբինյան

Թուրքիայի ներկայացուցչի հետ քննարկել ենք կարգավորման գործընթացն՝ իր ամբողջ սպեկտրով, այսինքն՝ այս ընթացքում ձեռք բերված բոլոր պայմանավորվածությունների իրագործումը։ Ինչպես գիտեք՝ մի մասն իրագործված է, մի մասը՝ ոչ։ Այս մասին լրագրողների հետ զրույցում ասաց Թուրքիայի հետ հարաբերությունների կարգավորման հարցերով հատուկ ներկայացուցիչ, խորհրդարանի փոխխոսնակ Ռուբեն Ռուբինյանը։

Նա մանրամասնեց, որ Անթալիայի դիվանագիտական ֆորումի շրջանակներում քննարկել են նաև Անիի պատմական կամրջի վերականգնման հարցը։

Անդրադառնալով «Մարգարա» անցակետի բացման վերաբերյալ հարցին՝ Ռուբինյանը պատասխանեց․ «Դա այն պայմանավորվածություն է, որի կատարման համար մենք մեր կողմից մեր անելիքն արել ենք, և սպասում ենք, որ թուրքական կողմը կատարի պայմանավորվածությունը։ Այս հարցի հետ կապված նորություն չկա»։

ՀՀ ԱԺ փոխնախագահը նշեց, որ Հայաստանը պատրաստ է հենց վաղն ունենալ լիովին կարգավորված հարաբերություններ Թուրքիայի հետ՝ առանց որևէ նախապայմանի․ «Դրանից զատ էլ, ինչպես գիտեք, Հայաստան–Ադրբեջան խաղաղության համաձայնագրի տեքստը համաձայնեցված է, և պատրաստ ենք օր առաջ ստորագրել այդ համաձայնագիրը, այսինքն՝ վարչապետը պատրաստ է անել դա։ Մենք առաջարկել են Ադրբեջանին սկսել խորհրդակցություններ դրա ստորագրման վայրի և ժամկետի շուրջ»։

Անդրադառնալով հարցին, թե ինչով է պայմանավորված Բաքվի կողմից համաձայնագրի ստորագրման ձգձգումը և զուգահեռ՝ սահմանին Ադրբեջանի ԶՈւ–ի կողմից կրակոցները՝ Ռուբինյանը պատասխանեց․ «Բոլորն էլ գիտեն, որ Ադրբեջանն աշխարհի ամենակառուցողական երկիրը չէ, մեր դիրքորոշումը հայտնեցի, մնացածն Ադրբեջանի դաշտում է»։

Այս թեմայով Բրյուսել է՛լ կգնանք, Ստամբուլ է՛լ, Մոսկվա է՛լ, ՀՀ արտաքին քաղաքականությունը չի լինի թույլտվությամբ․ Ռուբինյան ՌԴ-ի հետ չափազանց անկեղծ ենք, ոչինչ չենք անում, որ հարաբերությունները վատթարանան, դեռ հակառակը․ Ռուբեն Ռուբինյան Պարո'ն Մանուկյան, ախպոր պես, չգոռաք էլի... Կրքոտությունը թող ցածր ձայնով արտահայտի. Ռուբինյան Ռուբեն Ռուբինյան, էս փոխխոսնակներդ վրիցդ թռնում ե՞ն, չե՞ս կարում վրեքները․ Արամ Քոչարյան Ռուբինյան-Ջուլհակյան բանավեճը՝ Արգամ Աբրահամյանի գործով անձնական տվյալների հրապարակման շուրջ