Մարդ չգիտի՝ լա, թե խնդա. ԶԱՐՄԱՆՔ

Գյումրիի ավագանու ընտրություններին ընդառաջ զարմանքի, զավեշտի ու զզվանքի զգացողությունների պակաս չկա: Իշխանության խելագարության հասնող ռեպրեսիաները հասավ նրան, որ երեկ, երբ Գյումրիի քաղաքապետի բոլոր թեկնածուների բանավեճը պետք է լիներ Հանրայինի եթերում, ժամեր առաջ ձերբակալվեցին թեկնածուներից ԱԺ «Պատիվ ունեմ» խմբակցության պատգամավոր ՄԱՐՏՈՒՆ ԳՐԻԳՈՐՅԱՆԻ հայրն ու որդին՝ Կարեն եւ Կամո Գրիգորյանները: «Մեր երկրում վաղուց պատահականություններ չեն լինում»,- արձանագրում է փաստաբան Արսեն Բաբայանը: Ի՞նչ ասես, բարի գալուստ, ավտորիտար, իրական Նիկոլաստան: Ի դեպ, նշենք, որ Գյումրիի քաղաքապետի ընդդիմադիր թեկնածուի հորը մեղադրում են ընտրակաշառք տրամադրելու համար, մինչդեռ պարզվում է, որ նախընտրական քարոզչությունից շատ առաջ Գրիգորյանի հայրը բարեկամի խնդրանքով նրանց փողոցում շեբեն է փռել: Անդրադառնալով վերոնշյալին՝ ԱԺ «Պատիվ ունեմ» խմբակցության ղեկավար Հայկ Մամիջանյանն ասում է, որ իշխանությունների գործողություններում տրամաբանություն գտնել անհնար է, քանի որ չկա։ «Այդ ամենը ցույց է տալիս, թե ինչ փնթի է կարված գործը։ Իրենց հետաքրքում է գործ կարել, խանգարել հայրենասերներին, այն մարդկանց, ովքեր Գյումրիում հարգանք ու պատիվ են վայելում։ ՔՊ-ի թեկնածու Սարիկ Մինասյանը նույն գործողությունն իրականացրել է համայնքի բյուջեի հաշվին, իրեն, կարծես թե, Հակակոռուպցիոն չեն բերել։ Մենք գործ ունենք արդեն մառազմի հետ»,- նշել է Մամիջանյանը։ 

Ոչ պակաս զարմանալի է «Դեմոկրատական այլընտրանք» կուսակցությունով առաջադրված քաղաքապետի թեկնածու ԱՐՏՅՈՄ ՂԱՐԱՂԱԶԱՐՅԱՆԻ հետ կապված պատմությունը: Գյումրիում կայանալիք ՏԻՄ ընտրություններին մասնակցող 9 քաղաքական ուժերից մեկի առաջին համարը, որը նաեւ, ըստ էության, համայնքապետի թեկնածուն է, Թուրքիայի կացության փաստաթուղթ ունի: Այս մասին լրագրողների հետ զրույցում հայտարարել է Գյումրու համայնքապետի պաշտոնակատար, ՏԻՄ ընտրություններում «Քաղաքացիական պայմանագիր» կուսակցության ընտրացուցակը գլխավորող Սարիկ Մինասյանը:Թե ո՞վ է այդ թեկնածուն, Մինասյանը չի նշել՝ հնարավորություն տալով, որ այդ մասին վերոնշյալ անձը բարձրաձայնի: Արձագանքը չուշացավ: Պարզվում է՝ Գյումրիում համայնքապետի թեկնածուներից Թուրքիայում կեցության իրավունք ունի քաղաքապետի թեկնածու Արտյոմ Ղարաղազարյանը։ «Դեմոկրատական այլընտրանք» կուսակցությունից պնդում են, թե՝ դա «վիզային փոխարինելու համար է վերցվել»։ Այն նաեւ ժամկետանց է: Թու-թու-թու, սատանի ականջը խուլ, բայց հիշում եք չէ՞, թե ինչպես Ալեքսանդրապոլն առանց մի կրակոցի նախորդ դարասկզբին հանձնվեց թուրքերին: Ի՞նչ իմանաս, գուցե Ղարաղազարյանի դեպքում, ինչպես ասում են, կեցությո՞ւնն է որոշում գիտակցությունը։

Իսկ Գյումրիի ՔՊ-ական քաղաքապետի թեկնածու ՍԱՐԻԿ ՄԻՆԱՍՅԱՆԸ, ո՛չ ավել, ո՛չ պակաս, զբաղված է, որպես նախընտրական քարոզարշավ, քաղաքացիներին խոստումներ տալով, թե նրանց թաղումը տեղը տեղին կկազմակերպի: Ուրիշ ի՞նչ էիք սպասում հրապարակում դագաղներ պտտելով իշխանության եկած «Քաղաքացիական պայմանագիր» կուսակցության թեկնածուից: «94 տարեկան եմ, որ մեռնեմ, դու կթաղես»,- դիմելով Գյումրու քաղաքապետի ՔՊ-ական թեկնածու Սարիկ Մինասյանին՝ ասել է տարեց բնակչուհին: Մինասյանն էլ տեսախցիկների առաջ արձագանքել է. «Պրոբլեմ չունես, նորմալ թաղում կկազմակերպենք: Հացով, բանով, ղայդով կենեմ… Չէ, մի մեռի, տատ ջան, լավ եղի: Կատակ կենեմ: Աստված ինչքան կյանք է տվել, պետք է ապրես»: Մարդ չգիտի՝ լա, թե խնդա:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Աբսուրդ է, որ թաղապետարանում խուլիգանական վարքագիծը կապում են Կրեմլի հետ. Աննա Գրիգորյան Արմեն Գրիգորյանը կմեկնի Հնդկաստան Հայտնի է, թե ով է Գյումրի բկ-ի ձերբակալված բժիշկը. Բացառիկ մանրամասներ ՔՊ-ն չի մարսել իր պարտությունը Գյումրիում. ճնշումների է դիմում. Մարտուն Գրիգորյան Նարեկ Գրիգորյանը հաղթական գոլի հեղինակ է դարձել (տեսանյութ)