«Ժողովուրդ». Լարված քննարկումներ` Կառավարությունում. բոլորի հարկերը բարձրանում են, բանկերինը՝ ոչ

«Ժողովուրդ» օրաթերթը գրում է. ««Ժողովուրդ» օրաթերթի իրազեկ աղբյուրները փոխանցում են, որ ՀՀ Կառավարությունում, երբ 2023 թ. սկսվել են հարկերը բարձրացնելու մասին աշխատանքային քննարկումները, նախագիծ է եղել նաև, որ տնտեսության բոլոր ճյուղերի՝ այդ թվում և ՀՀ տարածքում գործող բանկերի ծառայությունների նկատմամբ ավելացված արժեքի հարկը` ԱԱՀ-ն էլ պետք է սահմանվի: Սակայն ՀՀ փոխվարչապետ Մհեր Գրիգորյանը, որ համարվում է բանկերի հովանավորը գործադիրում (նա «Արդշինբանկի» վարչության նախագահն է եղել և մասնաբաժին ունեցել այդ բանկում), դիմադրում է բանկերին վերաբերող նախագծի դեմ: Մեր տեղեկություններով՝ անգամ ՀՀ վարչապետ Նիկոլ Փաշինյանի խորհրդականներից մեկն է այս տարվա հունվարից կրկին բերել նման մի նախագիծ, որը դարձյալ չի կարողանում առաջ տանել:

Այս հարցով էլ հարկերի բարձրացման կողմնակիցների փաստարկներն այն են, որ բանկերը թող գերշահույթ չստանան, այլ շահույթ ստանան: Թե ինչով կավարտվի այս հակամարտությունը գործադիրի ներսում, պարզ չէ, քանի որ Նիկոլ Փաշինյանը դեռ լսում է կողմերին և բարդ է ասել, թե ինչ որոշում կկայացնի: Միայն փաստ է, որ մանր ու միջին բիզնեսի համար շրջանառության հարկը այս տարվա փետրվարից արդեն բարձրացել է 5-ից 10% և ավելի»։

Առավել մանրամասն թերթի այսօրվա համարում

Այս թեմայով Զելենսկու և ֆոն դեր Լեյենի հանդիպումը Նյու Յորքում չափազանց լարված էր. Bloomberg ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Չշփոթել իշխանությունը իրավունքի հետ, օրենքը՝ կամայականության հետ, իսկ լռությունը՝ խաղաղության հետ Ունի Հայաստանը գազի այլընտարանք. Մեկնաբանում է տնտեսագետը Ռուսները Կիեւին հարվածելու նոր սխեմայի են անցել, որը քաղաքը լարված կպահի ողջ օրը