Ինչ են պատրաստվում անել նստացույց իրականցնող արցախցիները

Արցախցիները շարունակում են մնալ Ազատության հրապարակում՝ վրանի տակ՝ պահանջելով կառավարությունից «40+10» աջակցության ծրագիրը չդադարեցնել: Իսկ այս օրերին իրականացնում են քաղաքական հանդիպումներ հենց տեղում: Արցախցիների իրավունքների պաշտպանության խորհրդի անդամ, «Հայկական աշխարհ» ՀԿ ղեկավար ԱՆԱՍՏԱՍ ԻՍՐԱՅԵԼՅԱՆՆ ասաց, որ մինչեւ ապրիլի 15-ն իրականացնելու են հանրային հանդիպումներ եւ նախապատրաստվում են հաջորդ հանրահավաքին։

— Ավելի պետք է կրկնապատկվենք՝ ցույց տալու, որ միասնություն կա մեր օրակարգի բոլոր հարցերի շուրջ: Այսօրվա իրավիճակի պատասխանատուն ՀՀ իշխանությունն է, իրենց բացթողումների ու ոչ հայանպաստ որոշումների պատճառով է ժողովուրդը եկել հասել այս օրվան: Հիմա այստեղ քննարկումների պահանջն այն է, որ ժողովրդի ձայնը լսեն: Եթե իշխանության ներկայացուցիչները ծառայում են ժողովրդին, առաջին հերթին պետք է հաշվի առնեն ազգի շահերը։ Խորհուրդ ենք տալիս, որ բոլոր խոսքերն ասելիս հազար անգամ մտածեն, հետո նոր մոտեցումներ ներկայացնեն, որովհետեւ այստեղ խոսքը միասնության մասին է: Ո՞նց կարող է ղեկավարը լինել ազգի ներկայացուցիչ ու միասնության մոտեցումները չընդունել։ Տարանջատելու փորձեր կան, բայց մենք գնալու ենք այն ուղղությամբ, որ ազգային միասնությունը կարողանանք ամրագրել:

Այս թեմայով Փաշինյանը չի կարող Արցախի ժողովրդի վերադարձի իրավունքից հրաժարվողը լինել, դա արցախցու իրավունքն է Հայտնի է, թե ինչ կոմպրոմատ են դեմ տվել Արցախի թեմի առաջնորդին.Բացառիկ Ղարաբաղից բռնի տեղահանված անձինք ինչպես կարող են ստանալ ՀՀ քաղաքացիություն. «Հրապարակ». «Վարդանիկ» օպերացիային նաեւ արցախցի «Չոլկան» է մասնակցել Հազարավոր արցախցիներ կարող են հայտնվել փողոցում. Ահազանգում է օկուպացված Արցախի պետնախարարը