Բուլղարիայում տեղի ունեցած միջազգային փառատոնից հայ պարողները վերադարձել են Գրան պրիով

Քալաշյան Պարարվեստի դպրոցի սաները, սույն թվականի ապրիլի 5-7-ը մասնակցեցին Բուլղարիայի մայրաքաղաք Սոֆիայում կայացած երաժշտության և պարարվեստի ԱԲԱՆԻԿՈ 14-րդ միջազգային փառատոնին, որտեղ և արժանացան ԳՐԱՆ ՊՐԻ գլխավոր մրցանակին։

Փառատոնը կազմակերպվել էր Բուլղարական "Artvoices" երաժշտական կենտրոնի նախաձեռնությամբ՝ Սոֆիայի քաղաքապետարանի հետ համագործակցությամբ։ Փառատոնին մասնակցում էին տարբեր երկրներից ժամանած՝ ֆոլկլոր, ժամանակակից, դասական և այլ երաժշտական ու պարային ոճեր ներկայացնող մի քանի տասնյակից ավելի երգիչ մենակատարներ և պարային խմբեր, ովքեր իրենց գունեղ և ինքնատիպ երաժշտական ու պարային կատարումներով հանդես եկան տարբեր մրցութային անվանակարգերում և եզրափակիչ գալա համերգի ընթացքում։

Քալաշյան Պարարվեստի դպրոցի սաները մրցութային ծրագրում օտարերկրյա հանդիսատեսին և պրոֆեսիոնալ ժյուրիի անդամներին հիացրեցին իրենց փայլուն ելույթներով՝ ներկայացնելով երեք պարային կատարումներ՝

1. «Քայլերթ», բեմադրությունը՝ Ասատուր Քալաշյանի, երաժշտությունը՝ Արամ Խաչատրյանի, հատված՝ «Գայանե» բալետից,

2. «Զանգ, զանգ», երաժշտությունը՝ Կոմիտասի, բեմադրությունը՝ Աննա Քալաշյանի,

3. «Նուբար», երաժշտությունը՝ ժողովրդական, բեմադրությունը՝ Աննա Քալաշյանի։

Փառատոնը եզրափակվեց տոնական գալա համերգով, որտեղ հայազգի պարողները օտարազգի հանդիսատեսին հուզեցին չափազանց զգացմունքային և նրբագեղ՝ «Յաման Յար» ( երաժշտությունը Կոմիտասի, բեմադրությունը' Աննա Քալաշյանի) և «Անտունի» (երաժշտությունը՝ Գ. Գյուրջիևի, բեմադրությունը՝ Ասատուր Քալաշյանի) պարային կատարումներով։

Հիշեցնենք, որ սա Եվրոպական փառատոներում դպրոցի առաջին մասնակցությունն էր, որը իրականացվեց Հայ-Եվրոպական մշակութային կենտրոնի աջակցությամբ։ 

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Սեպտեմբերի 19-ին ի՞նչ «տոն» Խորովածը շատ լավ բան է, երբ ռեստորանում է, ոչ թե Ազնավուրի շուրջ Նիկոլ Փաշինյանն անդրադարձել է դպրոցները փակելու մասին խոսույթին և կլաստերային դպրոցների անհրաժեշտությանը