Շախմատի կանանց ԵԱ․ Լիլիթ Մկրտչյանը հաղթեց Ադրբեջանի ներկայացուցչին

Հունաստանի Հռոդոս կղզում ընթացող շախմատի կանանց Եվրոպայի առաջնությունում երեկ՝ ապրիլի 7-ին, մեկ օրվա դադարից հետո տեղի են ունեցել 7-րդ խաղափուլի պարտիաները։

Հայաստանի հավաքականի ներկայացուցիչ Լիլիթ Մկրտչյանը սևերով առավելության հասավ ադրբեջանցի մրցակից Գովհար Բայդուլաևայի նկատմամբ ու այժմ 5.5 միավորով կիսում է 3-6-րդ հորիզոնականները։ Առաջատարներ վրացի Անաստասիա Կիրթաձեն և սերբ Տեոդորա Ինյաչը ունեն 6-ական միավորով և կես միավորով են գերազանցում Մկրտչյանին։

Գրոսմայստեր Էլինա Դանիելյանը ունի 5 միավոր և գտնվում է 9-րդ հորիզոնականում։

Կանանց ՖԻԴԵ-ի վարպետ Աննա Խաչատրյանը ունի 4.5 միավոր, իսկ կանանց գրոսմայստեր Մարիա Գևորգյանը և կանանց միջազգային վարպետ Սուսաննա Գաբոյանը՝ 4-ական միավոր։

Հաջորդ խաղափուլը կմեկնարկի այսօր՝ ապրիլի 8-ին, Հայաստանի ժամանակով 16:00-ին։

Այս թեմայով Հարավային Օսիայի նախագահական ընտրություններում հաղթեց Ռուսաստանում աշխատած Կրեմլի թեկնածուն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Գեւորգ Սուջյանը նորություն ունի Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել Հայ ռազմագերիների պաշտպանության հարցով դիմել եմ ՄԻՊ Անահիտ Մանասյանին․ Լիլիթ Գալստյան