«Ժողովուրդ». Տրանսպորտից անվճար օգտվողները 15000 դրամով կտուգանվեն. իշխանությունները նպատակ են դրել

Մամուլի տեսություն 5 Ապրիլ, 2025 8:45

«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ իշխանությունները նպատակ ունեն ամեն գնով ընդունելու տրանսպորտից անվճար օգտվող քաղաքացիներին 15 հազար դրամ տուգանելու նախագիծը:

Նշենք, որ դեռեւս մարտի 14-ին հայտնի դարձավ հասարակական տրանսպորտում առանց փոխադրավարձի վճարման օգտվելու կամ արտոնություն ունեցողների փոխարեն երթեւեկելու համար հանրային քննարկման ներկայացված օրենքների նախագծերի փաթեթը, որով նախատեսվում է վարչական պատասխանատվության ենթարկել քաղաքացիներին: Այն մշակել է Երեւանի քաղաքապետարանի աշխատակազմը, սակայն հանրային քննարկման է դրել տարածքային կառավարման եւ ենթակառուցվածքների նախարարությունը:

Ըստ նախագծի՝ ուղեւորները պարտավոր են տրանսպորտային միջոց նստելուց անմիջապես հետո, բայց ոչ ուշ քան մեկ րոպեի ընթացքում, վավերացնել տեղական վճարի մուծման կրիչը եւ մինչեւ ուղեւորության ավարտը պահպանել իրենց մոտ: Վավերացված կրիչը տեղական վճարի վճարման նկատմամբ, հսկողություն իրականացնող անձանց պահանջի դեպքում, պարտավոր են տրամադրել՝ ստուգելու նպատակով, եւ եթե ուղեւորները չներկայացնեն այն, ապա բացասական հետեւանքներ կկրեն՝ վարչական պատասխանատվության կենթարկվեն. նրանք կտուգանվեն 15,000 դրամի չափով:

Նախագիծն այժմ դրված է հանրային քննարկման edraft.am-ում, եւ 92%-ը դեմ է քվեարկել դրան: Չնայած ցուցանիշին՝ իշխանությունները նպատակ են դրել այն ուղարկել ԱԺ ու ընդունել, քանի որ չեն կարողանում հավաքագրել տրանսպորտի գումարը»։

Առավել մանրամասն թերթի այսօրվա համարում

https://iravunk.com/sim/?p=309671&l=am/

Այս թեմայով

Ադրբեջանը շատ ինտենսիվ պատրաստվում է «խաղաղության», հուսով եմ՝ ՀՀ իշխանությունները չեն շեղվի

Վարդանիկին միացավ Թեւանյանի թեկնածուն. Գյումրիում կրքերը եռում են

Մեր իշխանությունները սիրում են ուղիղ բանակցել ռազմական սպառնալիքի ներքո․ ադրբեջանագետ

Կպատժվես մեղք ես․ Վարդան Ղուկասյանը հաթաթա է տվեթ Մարտուն Գրիգորյանին

Ահազանգ․ իշխանությունները Շիրակի համայնքների աշխատակիցներին հորդորում են գալ Սարիկի հանրահավաքին