Մարտուն Գրիգորյանը չորս անգամ խմբագրել է իր ֆեյսբուքյան գրառումը

Քաղաքապետ դառնալու համար Վարդան Ղուկասյանին աջակցություն հայտնած Մարտուն Գրիգորյանը չորս անգամ խմբագրել է իր ֆեյսբուքյան գրառումը:

Գրիգորյանի ֆեյսբուքյան էջից հայտնի է դառնում, որ նա գրառումը կատարել է կեսգիշերին, սակայն, հանրային է դարձրել միայն այսօր օրվա երկրորդ կեսին:

Հատկանշական է, որ Մարտուն Գրիգորյանը իր սկզբնական տեքստում դիմել էր այն քաղաքական ուժերին, որոնք կանգնած են եղել Ռուբեն Մխիթարյանի և Կարեն Սիմոնյանի հետեւում, ապա հանել է այդ շեշտադրումը։

 «Ռուբենը, Կարենն ու իրենց հետևում կանգնած քաղաքական ուժերը շատ լավ գիտենալով այս մասին՝ անհասականալի շտապողականությամբ հայտարարեցին իրենց քայլերի և տվյալ թեկնածուին սատարելու մասին, որով անհնարին դարձրեցին քննարկելու այլընտրանքային, քիչ խոցելի տարբերակ գտնելու ճանապարհը»,- ասվում է նախնական տեքստում։ Մինչդեռ փոփոխված տարբերակում գրել է․«Այս երկու թիմերը շատ լավ գիտենալով այս մասին՝ անհասականալի շտապողականությամբ հայտարարեցին իրենց քայլերի և տվյալ թեկնածուին սատարելու մասին, որով անհնարին դարձրեցին քննարկելու այլընտրանքային, քիչ խոցելի տարբերակ գտնելու ճանապարհը»։

Նա նաեւ Կարեն Սիմոնյանի եւ Ռուբեն Մխիթարյանի անունները հանել է հետեւյալ հատվածից. «Եվ այսպես, ‹‹Մեր քաղաքը›› դաշինքը հայտարարում է, որ կտա անհրաժեշտ քանակությամբ քվե՝ մյուս երկու ուժերի կողմից սատարվող թեկնածու Վարդան Ղուկասյանին՝ առանց որևէ պաշտոնի, ակնկալիքի և որևէ պայմանավորվածության»։ Սկզբնական տարբերակում չի եղել նաեւ հետեւյալ միտքը. «Բոլորդ համոզվեցիք՝ իրար միացած քաղաքական ուժերը առանց իմ և «Մեր քաղաքը» դաշինքի որոշման ոչ մի բան չեն կարողանալու անել Գյումրիում և ամեն ինչ, հետայսու էլ, կախված է լինելու «Մեր քաղաքը» դաշինքի քվեարկություններից»:

Այս թեմայով Սանկտ Պետերբուրգի հայկական եկեղեցու ծխականները Փաշինյանին հրավիրել են տաճարի պատերի ներսում զրույցի, սակայն նա անտեսել է հավատացյալներին Ում գրպանն է հոսում ոռոգման ջրի համար գանձվող տարեցտարի անգամներով բարձրացվող գումարները Քաղաքացին իրավունք ունի տրանսպորտի ուղեվարձը վճարել ինչպես ընթացքի մեջ, այնպես էլ երթուղին ավարտելիս. Իրավագետը հանրային տրանսպորտում տուգանելու մասին Ադրբեջանական բենզինի թաքնված ականները. Մեկնաբանում են տնտեսագետները Շու’տ ապաքինվիր և շարունակի’ր քո հայրենանվեր գործը. Տեր Վրթանեսի կինը գրառում է արել ու լուսանկարներ հրապարակել