Այդքանից հետո դեռ մա՞տ ես թափ տալիս արցախցիների վրա․Վահան Բադասյանը արցախցիների նկատմամբ գեներացվող ատելության մասին

Մինչ բազմահազար արցախահայեր շարունակում են անգամ օրվա հացը դժվարությամբ վաստակել, էլ չենք խոսում բնակվարձերի մասին, զուգահեռ իրականության մեջ ապրում են ծնուննդով արցախցի մեծահարուստներ, ովքեր ուղղակի անտեսում են անտուն ու անտեղ մնացած արցախահայերին, որոնք անգամ խուսափում են ակցիաներին ներկա լինել։ Սա ինչի՞ մասին է խոսում հարցը եւ ոչ միայն տվել ենք օկուպացված Արցախի ռազմական-քաղաքական գործիչ Վահան Բադասյանին, ով նկատեց․

-Նախ բոլոր արցախցիներն էլ իրենց հնարավորության սահմաններում աջակցում են, կարեւորը նյութականը չէ, ոնց չեն հասկանում էս մարդիկ։ Կարեւորը 40+10-ը չէ, կարեւորն այն է, որ այսօր պետական մակարդակով շարունակվում է արցախցիների դեմ ատելության սերմանում։ Ասում են, որ արցախցիները շատ խոսեն ընդհանրապես կզրկվեն ամեն ինչից, արցախցիներին դու՝ Նիկոլ արդեն իսկ զրկել ես ամենակարեւորից՝ բնօրրանից, դու մեզ զրկում ես այսօր նաեւ հետվերադարձի իրավունքից, ու այդքանից հետո դեռ մա՞տ ես թափ տալիս արցախցիների վրա։ Այս քստմնելի, հակահայ իշխանությունը մեզ զրկում է հետվարադարձի իրավունքից, քանի որ որպեսզի արցախցիները ստանան հետվերադարձի իրավունք, դա պետք է պահանջի ՀՀ-ն, իսկ ՀՀ-ն ուղղակի անտեսում ու ատում է այսօր արցախցուն։ 

-Պարոն Բադասյան, իշխանությունները հակադարձում են, որ ոչ ոք արցախցիներին իրենց տներից չի հանել, ավելին, որ արցախցիներն էին խնդրում իրենց ժամ առաջ տեղահանել։

-Դա այդպես չի եղել, եղել Էքզիստենցիալ ճգնաժամ, Ալիեւի կողմից հատուկ գրված սպեցօպերացիա էր, որ արացախցիներին բռնի տեղահանվեն իրենց տներից, որին անվերապահ աջակցել է Հայաստանի ղեկավարը։ Այո, ոչ ոք չի ասել դուրս եկեք, բայց ում տեսնում սպանում էին, բռնաբարում, գլուխ կտրում։ Հիմա , եթե Աստված մի արասցե Նախիջեւանից հարձակվեն ՀՀ-ի վրա Արարատի մարզի ժողովուրդը չի սպասելու, որ իրենց ասեն դուրս եկեք, կսկսեն փրկվել ոնց կարող է ։

-Որպես օրինակ բերում են Իսրայելը, որտեղ ժողովուրդը իրական ցեղասպանության էր ենթարկվում, բայց նրանք պայքարեցին, դուրս չեկան։

-Դա շատ վատ օրինակ է, Իսրայելը մի համեմատեք Արցախի հետ։ Արցախը միայնակ էր բովանդակ աշխարհում, իսկ Իսրայելին պաշտպանում է Թուրքիան, ողջ իսլամական աշխարհը․․․

-Լավ, Դուք իրատեսական համարո՞ւմ եք վերադարձը Արցախ։

-Այ՛ո, Արցախ վերադարձը ռեալ իրատեսական եմ համարում, որովհետեւ , եթե գոնե մի քանի հարյուր մարդ մնային, այո իրատեսական չէր լինի։ Ոչ ոք չէր սպասում, որ արցախցիները միահամուռ դուրս կգային, որովհետեւ կամ պիտի դուրս գայինք, կամ պիտի մնայինք ու սպանվեինք։ Ադրբեջանը, ցավոք Հայաստանի հետ մասին Արցախում կատարեց դարի էթնիկ զտումը, իսկ էթնիկ զտման ենթարկված մարդիկ ունեն հետվերադարձի իրավունք։ Հիմա կասեք, լավ որտեղ, Ադրբեջանի կազմում, ցավոք, քանի որ Փաշինյանը այն ճանաչել է Ադրբեջանի կազմում։ Ադրբեջանի կազմում, բայց ոչ թե մեկ այլ առնվազն երկու-երեք երկրների խաղաղապահների ներկայությամբ, տվյալ տարածքում պետք է գործի միջանկյալ կառավարում։ Այսինքն բավական է Հայաստանը բարձրացնի այս հարցը՝ այն կլուծվի միանգամից։

-Պարոն Բադասյան, ՀՀ իշխանություններ ասում են, որ արցախցիները հրաժարվում են իրենց տրամադրվող սերտիֆիկատներից, բայց փոխարենը 40-10 են պահանջում։

-Նախ սուտ են ասում ոչ ոքի նրանք գումար չեն տալիս բնակարան ձեռք բերելու համար։ Մինչեւ օրս հինգ հոգի են ստացել այդ սերտիֆիկատները, այն դեպքում երբ 24 հազար մարդ դիմել է այդ գումարների համար, բայց իրենք չեն տալիս։ Այսինքն ոչ թե արցախցիները չեն վերցնում, այլ հենց իրենք են հետ կանգնել իրենց իսկ առաջարկած ծրագրից։

Այս թեմայով Սերգեյ Լազարևը սկանդալից հետո վերադարձել է «Ну-ка, все вместе» նախագիծ «Փաստ». Ինչո՞ւ են անտեսվում բազմազավակ ընտանիքները. կառավարությունից ո՛չ դրական, ո՛չ բացասական պատասխան չեն տալիս Իրանը Լիբիան կամ Իրաքը չէ, Իրանը պատրաստ է ցանկացած հարվածի․ Խայալ Մուազզինը ԱՄՆ-Իրան հնարավոր բախման մասին Վարդան Ղուկասյանին կտանք անհրաժեշտ քանակությամբ քվե՝ առանց որևէ պաշտոնի, ակնկալիքի և որևէ պայմանավորվածության. Մարտուն Գրիգորյան Կանխամտածված սպանությո՞ւն, թե՞ ինքնապաշտպանություն.Բացառիկ մանրամասներ Էջմիածնի արյունոտ միջադեպից